పక్షుల్ని ప్రేమించడంవల్లే అక్షయ్ అలా...

బాలీవుడ్ లో అక్షయ్ కుమార్ పెద్ద హీరో అయినా అతని గురించి పెద్దగా సౌత్ లో చర్చ జరగదు. షారుఖ్, సల్మాన్, ఆమీర్ ల సినిమాలకు లభించిన విడుదల హంగామా అక్షయ్ చిత్రాలకు లభించదు. కానీ ప్రస్తుతం సౌత్ అంతటా అక్షయ్ టాక్ ఆఫ్ ది ఇండస్ట్రీగా మారాడు. కారణం రోబో సీక్వెల్ 2.0 లో ప్రతినాయక పాత్రలో నటించడమే.

విచిత్రమైన వేషధారణతో ఫస్ట్ లుక్ లో మెప్పించిన అక్షయ్ ఈ సినిమాలో సైంటిస్ట్ గా కనిపించనున్న విషయం తెలిసినదే. అయితే తన గెట్ అప్ కి, తన ప్రొఫెషన్ కి మధ్య లింక్ వుందని ఇటీవల ఒక ఇంటర్వ్యూలో తెలిపాడు. ఈ సినిమాలో పక్షుల్ని ప్రేమించే శాస్త్రవేత్తగా కనిపిస్తానని చెప్పడం విశేషం. పక్షులపై చేసే ప్రయోగం విఫలించడంతో కాకి వేషధారణలో మారే అవకాశాలు వున్నాయి.

ఇదిలా వుంటే రోబో 2 కి క్రిష్ 3కి మధ్య పోలికలు పెడుతున్నారు. క్రిష్ మూడవ భాగంలో ఇలానే మనుషులకి, జంతువులకి క్రాస్ చేసి తన గ్యాంగ్ కి జాన్వార్స్ అనే పేరు పెట్టుకుంటాడు విలన్. ఇప్పుడు శంకర్ కూడా అదే పద్దతిని ఫాలో అయ్యాడంటూ కొందరు గుసగుసలు చెప్పుకోవడం గమనార్హం.