అఖిల్‌ ఇంట్రడక్షన్‌ సాంగ్‌ అదుర్స్‌

అక్కినేని అఖిల్‌ ని ఇంట్రడ్యూస్‌ చేస్తున్నాడు వినాయక్‌. ఎంతో కేర్‌ ఫుల్‌ గా అఖిల్‌ లోని ట్యాలెంటుని బైటికి తీసేందుకు ప్రయత్నిస్తున్నాడు ఈ స్టార్‌ డైరక్టర్‌. అక్కినేని హీరోని అన్ని కోణాల్లో ఆవిష్కరించే ప్రయత్నాలు చేస్తున్నాడు. నటుడిగా, డ్యాన్సర్‌ గా, ఫైటర్‌ గా ఇలా అన్ని విధాలా అఖిల్‌ ని సానబట్టేస్తున్నాడు. ఔట్‌ పుట్‌ కోసం ఎంతో శ్రమిస్తున్నాడు. వినాయక్‌ కి నాగార్జున, నితిన్‌, సుధాకర్‌ రెడ్డిల నుంచి కావాల్సిన సపోర్ట్‌ అంతా ఉంది. పెట్టుబడులు కావాల్సినంత విరజిమ్ముతున్నారు. ప్రొడక్షన్‌ విలువల్లో ఏమాత్రం తగ్గడం లేదు.

ఇటీవలే అఖిల్‌ ఇంట్రడక్షన్‌ సాంగ్‌ ని హైదరాబాద్‌ అన్నపూర్ణ స్టూడియోస్‌ లో చిత్రీకరించారు. ఈ సాంగ్‌ కోసం ముగ్గురు టాప్‌ కొరియోగ్రాఫర్స్‌ అహోరాత్రులు శ్రమించారు. అసాధారణమైన కొరియోగ్రఫీ అందించారు. ఈ పాటలో అఖిల్‌ ది బెస్ట్‌ గా పెర్ఫామ్‌ చేశాడని చెబుతున్నారు. ఇంకా ఈ సినిమా టైటిల్‌ ప్రకటించాల్సి ఉంది. ఈ నెలాఖరున నాగార్జున పుట్టినరోజు సందర్భంగా టైటిల్‌ ని ఆవిష్కరించే అవకాశం ఉందని చెబుతున్నారు. ఈ చిత్రంలో సయేషా సైగల్‌ కథానాయిక. అనూప్‌ రూబెన్స్‌, తమన్‌ సంగీతం అందిస్తున్నారు.