దివ్యా భట్నాగర్​ భర్త ఓ సైకో..! సంచలన వ్యాఖ్యలు చేసిన స్నేహితురాలు!

బాలీవుడ్ టీవీ నటి దివ్యా భట్నాగర్​ ఇటీవల కరోనా తో మృతిచెందిన విషయం తెలిసిందే. ఆమె స్నేహితురాలు దేవోలీనా ఆమె జీవితం గురించి కొన్ని ఆసక్తికర విషయాలు మీడియాతో పంచుకున్నారు. ‘దివ్యా భర్త.. గగన్​ గబ్రూ ఓ సైకో. కేవలం డబ్బుకోసమే ఆమెను పెళ్లి చేసుకున్నాడు. కరోనా వచ్చిందని తెలియగానే ఎక్కడికో వెళ్లిపోయాడు. తల్లిదండ్రులు, స్నేహితులు ఎంత చెప్పినా వినకుండా దివ్య అతడిని ప్రేమించి పెళ్లిచేసుకున్నది. డబ్బు కోసం గగన్​ ఆమెను పెళ్లి చేసుకున్నాడు. పెళ్లి తర్వాత తరుచూ అతడు డబ్బు కోసం దివ్యాను వేధించేవాడు. పలు మార్లు బలవంతంగా ఆమె బంగారాన్ని లాక్కున్నాడు.

ఆప్పటినుంచి ఆమె మానసికంగా ఎంతో వేదన చెందుతున్నది. కానీ పరువు పోతుందని ఈ విషయం ఎవరికీ చెప్పుకోలేదు. గగన్​ గురించి పెళ్లికిముందే చాలామంది దివ్యకు చెప్పారు. కానీ ఆమె వాటిని సీరియస్​గా తీసుకొలేదు. మాయమాటలు చెప్పి మోసం చేసిన గగన్​ ఆమెను కరోనా రాగానే ఆమెను వదిలేసి వెళ్లిపోయాడు. గగన్​పై అనేక కేసులు ఉన్నాయి. అతడిపై లైంగిక ఆరోపణలు కూడా ఉన్నాయి. అందమైన ఆడపిల్లలను మోసం చేయడం లొంగదీసుకోవడం అతడికి వెన్నతోపెట్టిన విద్య. షిమ్లా పోలీస్​ స్టేషన్​ లో అతడిపై కేసులు కూడా నమోదయ్యాయి. దివ్యను కూడా ప్రేమించనట్టు నటించి మోసం చేసి పెళ్లిచేసుకున్నాడు. ఆమెకు ఆలోచించుకొనే సమయం కూడా ఇవ్వకుండా వెంటనే పెళ్లిచేసుకున్నాడు.’ అని దేవోలినా ఓ వీడియోను విడుదల చేశారు.

ఆమె దివ్యాకు స్నేహితురాలు. అయితే చిన్న వయసులోనే దివ్యా కరోనాతో ప్రాణాలు కోల్పోయిన విషయం తెలిసిందే. ‘ఏ రిషిత క్యా కెహలాతా హై’, ‘సంస్కార్’, ‘ఉడాన్’, ‘జీత్‌ గయి తొహ్ పియా మోర్రే’ సీరియల్స్​లో దివ్య నటించి మెప్పించారు.