ఓవర్సీస్ లో దుమ్ము దులుపుతున్న దంగల్

బాలీవుడ్ మిస్టర్ పర్ఫెక్ట్ ఆమిర్ ఖాన్ కొత్త సినిమా దంగల్ కి.. సూపర్బ్ రివ్యూలు వచ్చేశాయి. ఇండియాలో ఈ మూవీ శుక్రవారం వచ్చింది కానీ.. ఓవర్సస్ లో బుధవారం నుంచే ప్రదర్శితమవుతోంది దంగల్. బుధవారం నాడు ప్రీమియర్స్.. గురువారం నాడు ఫస్ట్ డే కలెక్షన్స్ చూస్తే.. దంగల్ కు ఏ రేంజ్ లో క్రేజ్ పెరుగుతోందో అర్ధమవుతుంది.

బుధవారం ప్రీమియర్లతో 2.82 లక్షల డాలర్లు వసూలు చేశాడు ఆమిర్ ఖాన్. మరుసటి రోజున ఏకంగా 4.25లక్షల డాలర్ల వసూళ్లు వచ్చాయి. అంటే ఏకంగా 50 శాతం పికప్ చూపించాడన్న మాట. ఇక కెనడాలో ప్రీమియర్స్ తో 43,102 డాలర్లు రాగా.. తొలి రోజున 58,822 డాలర్లు వచ్చాయి. దీంతో యూఎస్, కెనడాల్లో ఇప్పటివరకూ వచ్చిన మొత్తం వాటా 5.29 కోట్ల రూపాయలను దాటిపోయింది. ఇందులో రెండో రోజు వచ్చిన వసూళ్లే ఎక్కువగా ఉండడం విశేషం.

ఇంకా వీకెండ్ మొత్తం పెర్ఫామ్ చేసే ఛాన్స్ ఉండడం.. పైగా క్రిస్మస్ హాలిడే సీజన్ కావడంతో.. ఓవర్సీస్ లో దంగల్ దుమ్ము దులిపేయడం ఖాయం అంటున్నారు ట్రేడ్ జనాలు. న్యూజిలాండ్ మార్కెట్లలో కూడా దంగల్ కు వస్తున్న వసూళ్లు.. సినీ జనాలను షాక్ కొట్టించేస్తున్నాయి. తొలి రోజు ఇండియా వసూళ్లు విషయంలో కూడా దంగల్ కొత్త చరిత్ర సృష్టిస్తుందనే అంచనాలున్నాయి.


Like Us on Facebook : https://www.facebook.com/Tupakidotcom/