బన్నీ తరువాత పవన్ ను పట్టాడే

ఒక్కోసారి అంతే.. అసలు ఒక నటుడి కెరియర్ ఎలా తిరుగుతుందో ఎవ్వరికీ తెలియదు. అప్పటివరకు హీరోగా అనేక సినిమాలు చేశాడు సీనియర్ దర్శకుడు రవిరాజా పినిశెట్టి చిన్నకొడుకు ఆది. కాని ఒక్కటి కూడా హిట్టునివ్వలేదు. చివరకు 'సరైనోడు' సినిమాతో విలన్ గా మారాడు. అక్కడి నుండి మనోడి ఫేట్ మారిపోయిందండోయ్.

ఆల్రెడీ హీరో నాని పక్కనే ''నిన్ను కోరి'' సినిమాలో నటిస్తున్నాడు ఆది. నెగెటివ్ రోల్ అని చెప్పలేం కాని.. సెకండ్ హీరో టైపులో అలరించనున్నాడు. ఇప్పుడు ఏకంగా పవన్ కళ్యాణ్‌ సినిమాను పట్టేశాడు. త్రివిక్రమ్ డైరక్షన్లో రూపొందుతున్న పవన్‌ కళ్యాణ్‌ కొత్త సినిమా షూటింగ్ ఆల్రెడీ మొదలైన సంగతి తెలిసిందే. ఈ సినిమాలో విలన్ గా ఆది కనిపిస్తాడని తెలుస్తోంది. మొత్తానికి బన్నీ తరువాత మరో స్టార్ మెగా హీరోతో ఆది ఈ ఫీట్ చేస్తున్నాడంటే.. ఖచ్చితంగా మనోడికి విలన్ గా కెరియర్ కొత్త ఊపు అందుకున్నట్లే.

అయితే తమిళంలో హీరోగా తన ప్రయత్నాలు కొనసాగిస్తున్న ఆది.. తెలుగులో కూడా హీరోగా కొన్ని సినిమాలు చేయాలని లైనప్ చేసుకుంటున్నాడట. చూద్దాం హీరోగా స్థిరపడతాడో విలన్ గా నెట్టుకొచ్చేస్తాడో!!

Like Us on Facebook : https://www.facebook.com/Tupakidotcom/