మళ్ళీ ఒక సినిమా పట్టాడోచ్

క్యారెక్టర్ ఆర్టిస్టు సాయికుమార్ వారసుడిగా టాలీవుడ్ లోకి అడుగు పెట్టాడు ఆది. వచ్చి చాలా ఏళ్లే అయినా ఇంతవరకు సరైన బ్రేక్ లేక సతమతం అవుతున్నాడు. కెరీర్ రెండు మూడు హిట్లు తప్ప నటుడిగా పేరు తెచ్చిన సినిమాలు ఇంతవరకు ఏవీ చేయలేకపోయాడు. వరస ఎదురుదెబ్బల తరవాత రీసెంట్ గా హర్రర్ జోనర్ లో నెక్ట్స్ నువ్వే సినిమా చేశాడు. ఈ మూవీ కూడా బాక్సాఫీసును పెద్దగా ఆకట్టుకోలేదు.

కెరీర్ లో ఫ్లాపులే ఎక్కువగా ఎదురవుతున్న తరుణంలో ఆదికి అవకాశాలే తగ్గిపోయాయి. ఈ టైంలో అతడికి లక్ కలిసొచ్చి ఇంకో సినిమాలో నటించే ఛాన్స్ వచ్చింది. కొత్త దర్శకుడు శ్రీనివాస్ నాయుడు డైరెక్షన్ లో ఓ లవ్ స్టోరీ చేయబోతున్నాడు. ఇందులో తన క్యారెక్టర్ చాలా డిఫరెంట్ గా ఉంటుందని.. ఈ ఇంటెన్స్ లవ్ స్టోరీ ప్రేక్షకులకు బాగా నచ్చుతుందని నమ్మకంతో చెబుతున్నాడు ఆది. నెక్ట్స్ నువ్వే తరవాత చాలామంది డైరెక్టర్లు కథ చెప్పారు కానీ.. మంచి సబ్జెక్టు కావాలన్న ఉద్దేశంతో వాటన్నింటినీ పక్కన పెట్టేశానని అంటున్నాడు.

ఆది ప్రస్తుతం అడవి సాయి కిరణ్ వినాయకుడు ఫేం అడవి సాయికిరణ్ డైరెక్షన్ లో ఓ సినిమా చేస్తున్నాడు. ఇది దాదాపు కంప్లీటయ్యే స్టేజిలో ఉంది. ఇందులో తనది ఛాలెంజింగ్ రోల్ అని.. సినిమా ఫస్ట్ లుక్ త్వరలోనే రిలీజ్ చేస్తామని అంటున్నాడు. ఈ రెండు సినిమాలతో తన కెరీర్ పట్టాలెక్కుతుందని ఆది ఎంతో ఆశతో ఉన్నాడు.