ఏపీ పాలిటిక్స్… ఈ టాప్ హీరోలు మాత్రం టెన్షన్ లేకుండా..

టాలీవుడ్ ఇండస్ట్రీకి ఏపీ రాజకీయాలకి మధ్య ఓ ఇంటరెస్టింగ్ ఫ్యాక్టర్ ఎప్పుడూ హాట్ టాపిక్ గా నిలుస్తూనే ఉంటుంది. తెలుగుదేశం పార్టీ వ్యవస్థాపకుడు సీనియర్ ఎన్ఠీఆర్ టాలీవుడ్ లో నెంబర్ యాక్టర్ గా సుదీర్ఘకాలం తన ప్రస్థానం కొనసాగించినవారే. అతని వారసుడుగా ఉన్న బాలకృష్ణ ప్రస్తుతం ఎమ్మెల్యేగా ఉన్నారు. నందమూరి ఫ్యామిలీ మొత్తం రాజకీయాలకి దగ్గరగా ఉంటుంది.

ఎన్టీఆర్ తరహాలోనే మెగాస్టార్ చిరంజీవి నెంబర్ వన్ హీరోగా ఉన్నప్పుడు ప్రజారాజ్యం పార్టీ పెట్టి కొన్నేళ్లుపాటు ప్రజల మధ్య ఉన్నారు. తరువాత రాజకీయాలు తనకి సెట్ కావని వదిలేసి సినిమాలపై దృష్టి పెట్టారు. నందమూరి ఫ్యామిలీ తర్వాత ఇండస్ట్రీలో మెగా ఫ్యామిలీ కూడా సుదీర్ఘ కాలం నుంచి రాజకీయాలకి మమేకం అయ్యి ఉంది.

మెగా కాంపౌండ్ లో టైర్ 1 హీరోలుగా ఉన్న అందరూ కూడా ప్రత్యక్షంగా, పరోక్షంగా ప్రస్తుతం రాజకీయాలలో బిజీగా ఉన్నారు. పవన్ కళ్యాణ్ జనసేన పార్టీతో సుదీర్ఘకాలం నుంచి రాజకీయాలు చేస్తున్నారు. మెగాస్టార్ చిరంజీవి రీసెంట్ గా పవన్ ని గెలిపించాలని వీడియో రిలీజ్ చేశారు. అలాగే ప్రత్యక్ష రాజకీయాలకి చిరంజీవి దూరంగా ఉన్న పరోక్షంగా రాజకీయ వ్యవహారాలలో చాలా కీలక పాత్ర పోషిస్తున్నారు.

రామ్ చరణ్ పవన్ కి మద్దతుగా వాయిస్ వినిపిస్తూ ఉన్నారు. అల్లు అర్జున్ తన స్నేహితుడు వైసీపీ ఎమ్మెల్యే శిల్ప రవిచంద్ర కిషోర్ రెడ్డికికి డైరెక్ట్ గా మద్దతు తెలుపుతూ నంద్యాల వెళ్లారు. పవన్ కళ్యాణ్ కి సపోర్ట్ గా ట్వీట్ చేశారు. అలాగే అల్లు అర్జున్ మామ తెలంగాణాలో బీఆర్ఎస్ పార్టీ నాయకుడిగా ఉన్నారు. ఇలా మెగా ఫ్యామిలీలో టైర్ 1 హీరోలు అందరూ రాజకీయాలతో సంబంధం కలిగి ఉన్నారు.

అయితే టాలీవుడ్ లో మిగిలిన టైర్ 1 హీరోలైన ప్రభాస్, మహేష్ బాబు, జూనియర్ ఎన్టీఆర్ మాత్రం తెలుగు రాష్ట్రాల రాజకీయాలలో ఎవరికి సపోర్ట్ చేయకుండా సినిమాలతో బిజీలో ఉన్నారు. ఎన్టీఆర్ ని రాజకీయాలలోకి లాగే ప్రయత్నం చేస్తున్నారు. అతనికి కూడా ఆ లైన్ లో వెళ్లే గట్స్ ఉన్నాయి. కానీ తారక్ మాత్రం నిశ్శబ్దంగా ఉన్నారు. పూర్తి ఫోకస్ కెరియర్ మీద పెట్టారు.

భవిష్యత్తులో అయితే తారక్ ప్రత్యక్షరాజకీయాలలో కీలక భూమిక పోషించే అవకాశం అయితే ఉందనే మాట వినిపిస్తోంది. ఇక మహేష్ పెద్ద బావ గల్లా జయదేవ్ కి కూడా పొలిటికల్ కనెక్షన్ ఉన్నా అటు వైపు ఎప్పుడు కూడా సౌండ్ చేయలేదు. ఇక ప్రభాస్ కుటుంబ సభ్యులు స్నేహితులు కూడా రాజకీయాల్లో ఉన్నా అతను కూడా ఏమి తెలియనట్లే ఉన్నాడు. ఈ విధంగా ఈ ముగ్గురు బడా స్టార్స్ రాజకీయాలకు దూరంగా ఉంటూ వారి సినిమాల్లో బిజీగా మారిపోయారు.