ఐదు సార్లు నాకు పెళ్లి చేసారు: అంజలి
నేను లివ్-ఇన్ రిలేషన్‌షిప్‌లో ఉన్నానని జ‌ర్న‌లిస్టులు రాసారు. నేను మా ఇంట్లోనే నివసించడం లేదు.
By: Tupaki Desk | 4 April 2024 3:39 AM GMT
తన పెళ్లిపై వస్తున్న పుకార్లపై అందాల క‌థానాయిక అంజలి స్పందించింది. తాను న‌టించిన `గీతాంజలి మళ్లీ వచ్చింది` ప్రమోష‌న‌ల్ ఈవెంట్లో అంజలి మాట్లాడుతూ.. త్వరలో తాను పెళ్లి చేసుకోబోతున్నట్లు సోషల్ మీడియాలో ప్ర‌చారం సాగుతోంద‌ని, ఇది ఇప్ప‌టికి నిజం కాద‌ని అంది. పెళ్లి పుకార్లపై ఒక మీడియా ప్రతినిధి ప్ర‌శ్న‌కు స‌మాధానంగా అంజలి ప‌గలబడి నవ్వింది.
``వారు (గాసిప్స్ రాసేవాళ్లు) నాకు ఇప్పటి వరకు నాలుగు సార్లు వివాహం చేసారు. నా పెళ్లికి రావాల్సింది నేనే.. కానీ నా పెళ్లి గురించి ఇప్పటివరకు ఎవరూ చెప్పనేలేదు`` అని నవ్వుతూ చెప్పింది. వారు (పుకార్లు పుట్టించే వారు) నాకు ఇప్పటి వరకు నాలుగు పెళ్లిళ్లు చేశారు. ఇది ఐదవసారి.. అని కూడా అన్నారు. నేను కూడా దీని గురించి విన్నాను. కాబట్టి ఈ పుకార్లు అవాస్తవం.ఒక‌టి క‌చ్ఛితంగా చెబుతాను. నేను పెళ్లి చేసుకుంటాను. కానీ ఇప్పుడు కాదు. మీరు విన్న వార్తలతో నాకు ఎలాంటి సంబంధం లేదు`` అని అంజలి అన్నారు.
నేను లివ్-ఇన్ రిలేషన్‌షిప్‌లో ఉన్నానని జ‌ర్న‌లిస్టులు రాసారు. నేను మా ఇంట్లోనే నివసించడం లేదు. నేను ఆరుబయట నివసిస్తున్నాను. కాబట్టి ఎవరు ఉంటున్నారో నా ఇంటికి అద్దె షేర్ చేసి వెళ్లిపోతే నాకు చాలా బాగుంటుంది. నేను EMIలు చెల్లిస్తున్నాను. కాబట్టి నేను ఇప్పట్లో పెళ్లి చేసుకోను. ఆ పుకార్లు అబద్ధం.. అని తెలిపింది.
గీతాంజలి మళ్లీ వచ్చింది:
గీతాంజలి మళ్లీ వచ్చింది చిత్రానికి శివ తుర్లపాటి దర్శకత్వం వహించారు. ఇది హారర్ కామెడీ మూవీ. ఈ చిత్రంలో అంజలితో పాటు శ్రీనివాస్ రెడ్డి, సత్యం రాజేష్, సునీల్, సత్య, షకలక శంకర్, అలీ, రవిశంకర్, రాహుల్ మాధవ్ తదితరులు ముఖ్య పాత్రలు పోషిస్తున్నారు. కోన వెంకట్ సమర్పణలో ఎమ్‌వివి సినిమా, కోన ఫిల్మ్ కార్పొరేషన్ బ్యానర్‌లు సంయుక్తంగా నిర్మిస్తున్నాయి. ఈ చిత్రానికి ప్రవీణ్ లక్కరాజు సంగీతం అందించారు.
