సారీ చెప్పిన సుమ.. ఎందుకంటే..

టాలీవుడ్ లో స్టార్ యాంకర్ గా సుమ ఏ స్థాయిలో దూసుకుపోతున్నారో అందరికి తెలిసిందే. చాలా సహజంగా మాట్లాడుతూ పంచ్ లు వేస్తూ అందరిని నవ్విస్తూ ఎలాంటి ఫంక్షన్ ని అయిన జోవియల్ గా లీడ్ చేస్తూ ఉంటారు. ఈ క్రమంలో సుమ అన్న మాటలు క్యాజువల్ గా ఉన్న కొంతమందిని నొప్పిస్తూ ఉంటాయి.

తాజాగా ఆమె మీడియా వారి మీద సరదాగా కౌంటర్ వేసారు. ఆదికేశవ మూవీ ప్రమోషన్స్ లో భాగంగా మీడియా మీట్ ఏర్పాటు చేశారు. దీనిలో భాగంగా స్టేజ్ పైన ఆమె మీడియా వారిని ఆదేశిస్తూ స్నాక్స్ ని భోజనాల్ల తింటూ లేట్ చేయకుండా కాస్తా ప్రెస్ మీట్ ని పట్టించుకుంటే బాగుంటుంది అని కౌంటర్ వేశారు.

అయితే ఈ మాటలు మీడియా వారిని కాస్తా నొప్పించాయి. సుమ మాటలకి మీడియా ప్రతినిధులు హర్ట్ కావడమే కాకుండా ఓ జర్నలిస్ట్ అదే విషయాన్ని నేరుగా సుమకి చెప్పారు. మీరు జోక్స్ భాగా వేస్తారు, సరదాగా మాట్లాడుతారు అనే విషయం అందరికి తెలుసు. వాటిని ఎంజాయ్ చేస్తారు కూడా. అయితే మీ జోక్స్ విషయంలో మీడియా వారికి మినహాయింపు ఇవ్వండి.

అంటూ రిక్వెస్ట్ గానే చెప్పారు. మరల సుమ అలాగే అని చెబుతూ స్నాక్స్, భోజనంలా చేయకుంటే బాగుంటుంది అనే మాట ఉపయోగించారు. ఆ మాట మీడియా వారిని ఇన్సల్ట్ చేసే విధంగా ఉందని సదరు జర్నలిస్ట్ డైరెక్ట్ గా ఆమెకి చెప్పారు. ఈ ఇష్యూ మీడియా సర్కిల్ లో కాస్తా వైరల్ అయ్యింది.

దీంతో యాంకర్ సుమ ఈ ప్రెస్ మీట్ తర్వాత ఒక సెల్ఫీ వీడియో రిలీజ్ చేస్తూ మీడియా ప్రతినిధులకి సారీ చెప్పారు. మీడియా వారితో తనకి సుదీర్ఘ అనుబంధం ఉందని, తాను కావాలని ఆ మాట ఉపయోగించలేదు. ఒక వేళ దానికి మీరు బాధపడి ఉంటే క్షమించండి అంటూ సారీ చెప్పారు. ఈ వీడియో సోషల్ మీడియాలో వైరల్ అవుతోంది. దీనిపై నెటిజన్లు నుంచి భిన్నమైన కామెంట్స్ వినిపిస్తున్నాయి.