ప్యారిస్ ని గ‌జ‌గ‌జ ఒణికించిన వైర‌స్

అనన్య పాండే.. కెరీర్ జ‌ర్నీ కొంచెం తీపి కొంచెం వ‌గ‌రు! అన్న చందంగా సాగుతోంది. అప్పుడ‌ప్పుడు హిట్లు వ‌స్తున్నా ఫ్లాపులు ఎదురవుతున్నాయి. ఇటీవ‌ల తాను ఎన్నో ఆశ‌లు పెట్టుకున్న లైగ‌ర్ పాన్ ఇండియాలో హిట్టు కొడుతుంద‌ని ఆశిస్తే ఊహించ‌నిది జ‌రిగింది. దీంతో తీవ్రంగా నిరాశ‌ప‌డింది ఈ బ్యూటీ. అయితే ఇటీవ‌లి కాలంలో కెరీర్ జర్నీ కంటే ప్ర‌ముఖ హీరోతో ప్రేమాయ‌ణం కార‌ణంగానే ఎక్కువ‌గా హెడ్ లైన్స్ లో నిలుస్తోంది ఈ బ్యూటీ. ఆషిఖి 2 ఫేం ఆదిత్యరాయ్ క‌పూర్ తో ఈ భామ నిండా ప్రేమ‌లో ఉంది. ప్రేమ జంట నిరంత‌ర వెకేష‌న్స్ కి సంబంధించిన ఫోటోషూట్లు అంత‌ర్జాలంలో వైర‌ల్ అవుతూనే ఉన్నాయి.

మ‌రోవైపు అన‌న్య పాండే ముంబై ర్యాంప్ పైనా హీటెక్కిస్తోంది. ప‌నిలోప‌నిగా ప్రస్తుతం జరుగుతున్న పారిస్ హాట్ కోచర్ వీక్ 2024లో నటి అనన్య పాండే డిజైనర్ రాహుల్ మిశ్రా కోసం షోస్టాపర్‌గా మారారు. ఈ వేదిక‌పై ఎంద‌రు భామ‌లు ఉన్నా అన‌న్య హెడ్ టర్న‌ర్ గా మాఇంది. పైగా ఈ ప్ర‌తిష్ఠాత్మ‌క‌ ర్యాంప్‌పై నడిచిన అతి పిన్న వయస్కురాలైన బాలీవుడ్ నటిగా అన‌న్య‌ అవతరించింది. అన‌న్య హంస‌న‌డ‌క‌లు అంద‌రి దృష్టిని ఆకర్షించినప్పటికీ త‌న వేషధారణ గురించి నెటిజ‌నులు ఎక్కువ‌గా చ‌ర్చిస్తున్నారు.

రాహుల్ మిశ్రా కోసం అనన్య పాండే ప్యారిస్ వీక్ లో వాక్ చేసింది. వేదిక‌పై అనన్య సీతాకోకచిలుక స్ఫూర్తితో రూపొందించిన బ్లాక్ మినీ డ్రెస్‌లో ఆశ్చర్యపోయే రూపంతో క‌ట్టి ప‌డేసింది. ఒక పెద్ద జల్లెడను త‌న ముందు ఉంచి ఈ డిజైన‌ర్ డ్రెస్ ని రూపొందించారు మిశ్రా. ఆ జల్లెడను నిజానికి కింద వైపు దుస్తులకు జోడించారు. నల్లటి హైహీల్స్‌తో అన‌న్య ర్యాంప్ వాక్ ని పూర్తి చేసింది. అన‌న్య‌ తన ఇన్‌స్టాగ్రామ్ స్టోరీస్‌లో షో నుండి ఒక వీడియోను పోస్ట్ చేసింది. క్యాప్షన్‌లో ''పారిస్ కోచర్ వీక్‌లో @rahulmishra_7 కోసం వాకింగ్'' అని అనన్య రాశారు. సూపర్‌హీరోస్ పేరుతో రాహుల్ సేకరణ సీతాకోకచిలుకలు, బీటిల్స్, పాములు మొదలైన కీటకాల నుండి ప్రేరణ పొంది వీటిని రూపొందిస్తున్నారు.

అనన్య లుక్‌పై ఇంటర్నెట్‌లో దుమారం చెల‌రేగింది. ఒక నెటిజ‌న్ ఇలా వ్రాశారు, ''పారిస్ కోచర్ వీక్‌లో అనన్య ప్ర‌వేశం చాలా గర్వంగా ఉంది'' అని రాసారు. మ‌రొక‌రు .. ఫ్యాషన్ ఉర్ఫీ నుండి ప్రేరణ పొందింది! అని రాయ‌గా, ''ఒక మోడల్‌గా, ఆమె అద్భుతమైనది'' అని మరొకరు వ్యాఖ్యానించారు. ఈమె కొత్త Uorfiనా? అని మరొకరు ఆటపట్టించాడు.

పారిస్‌లో ర్యాంప్ వాక్ చేయడం అనన్యకు ఇదే తొలిసారి. ఈ దుస్తుల ఎంపిక గురించి డిజైనర్ రాహుల్ మిశ్రా మాట్లాడుతూ, ''నా స్వంత కంఫర్ట్ జోన్‌కు మించి, నాకంటే ముందు ఇక్కడకు వచ్చిన వారిని నేను ఒకసారి వెనక్కి తిరిగి చూసుకుంటాను. నేను కీటకాల రాజ్యం అందం లేదా సజీవతను అభినందిస్తాను. కానీ కీటకాలను ఎలా ప్రవర్తిస్తాయి? భ‌యప‌డిన‌ప్పుడు వాటి భావోద్వేగాలు ఎలా ఉంటాయి? అనే దాని ఆధారంగా ఫ్యాష‌న్ విద్యను సవాల్ చేయాలనుకుంటున్నాను.. అని మిశ్రా వ్యాఖ్యానించారు.

అనన్య పాండే చివరిసారిగా 'ఖో గయే హమ్ కహాన్‌'లో కనిపించింది. అన‌న్య న‌ట‌న‌కు ప్రశంసలను పొందింది. ఇందులో సిద్ధాంత్ చతుర్వేది, ఆదర్శ్ గౌరవ్ త‌దిత‌రులు న‌టించారు. అర్జున్ వరైన్ సింగ్ దర్శకత్వం వహించారు. ఈ సినిమా నెట్‌ఫ్లిక్స్‌లో ప్రసారం అవుతోంది. అనన్య తదుపరి విక్రమాదిత్య మోత్వానే దర్శకత్వం వహిస్తున్న 'కంట్రోల్' అనే సైబర్-థ్రిల్లర్‌లో కనిపించనుంది. 'కాల్ మై బే' అనే చిత్రంలోను న‌టిస్తోంది. ఖిలాడీ అక్షయ్ కుమార్ న‌టిస్తున్న భారీ చిత్రం 'శంకర'లోను అన‌న్య ఒక క‌థానాయిక‌గా న‌టించ‌నుంది.