ఇంగ్లండ్ కి చెందిన అప‌ర‌ కుబేరుడుని పెళ్లాడుతున్న ఎమీజాక్స‌న్

2.0- ఐ- ఎవ‌డు- మ‌ద్రాసి ప‌ట్ట‌ణం వంటి చిత్రాల‌తో సౌత్ లో స్టార్ హీరోయిన్ గా వెలిగింది బ్రిట‌న్ కి చెందిన టాప్ మోడ‌ల్ కం న‌టి ఎమీజాక్సన్. ఈ భామ సౌత్ కెరీర్ ఫుల్ స్వింగ్ లో ఉండ‌గానే అనూహ్యంగా సినిమాల‌ను వ‌దిలి ప్రేమ‌లో ప‌డింది . ఇంగ్లండ్ కి చెందిన అప‌ర‌ కుబేరుడు, బిలియ‌నీర్ బిజినెస్ మ్యాగ్నెట్ జార్జి ప‌నాయ‌టౌతో కొన్నేళ్ల పాటు ప్రేమాయ‌ణం సాగించింది. అత‌డితో ఒక బిడ్డ‌కు త‌ల్ల‌యిన ఎమీజాక్స‌న్ పెళ్లాడేందుకు ప్ర‌య‌త్నించినా చివ‌రికి వీలుప‌డ‌లేదు. ఇంత‌లోనే వారి బ్రేక‌ప్.. అటుపై ఎడ్ వెస్ట్ విక్ తో ఎమీ జాక్స‌న్ స్నేహం.. రిలేష‌న్ షిప్ వ‌గైరా..క‌థ‌నాలు వైర‌ల్ అయ్యాయి.

ఇప్పుడు త‌న ప్రియుడిని పెళ్లాడేందుకు ఎమీజాక్స‌న్ సిద్ధ‌మైంది. ఎమీ సోమవారం ఎడ్ వెస్ట్‌విక్‌తో తన నిశ్చితార్థం జ‌రిగింద‌ని ప్ర‌క‌టించి అందరినీ ఆశ్చర్యపరిచింది. ఎమీ తన సోషల్ మీడియాల్లో నిశ్చితార్థానికి సంబంధించిన వరుస ఫోటోలను షేర్ చేసింది. శ్రుతిహాస‌న్, కృతి సనన్, కియారా అద్వానీ, అథియా శెట్టి, ఓర్రి త‌దిత‌రులు ఈ జంటకు అభినందనలు తెలిపారు.

ఎమీ తన ఇన్‌స్టాగ్రామ్ లో 'హెల్.. అవును' అని రాసింది. ఎమీ షేర్ చేసిన ఫోటోలలో ఎడ్ ఒక మోకాలిపై కూచుని ఎమీకి ప్రపోజ్ చేయడంతో త‌ను షాక్‌లో కనిపించింది. ప్రపోజల్ తర్వాత వీరిద్దరి సంతోషకరమైన ఫోటోలను కూడా షేర్ చేసింది. స్విట్జర్లాండ్‌లో మంచు పర్వతాల మధ్య అమీకి త‌న ప్రియుడు ఎడ్ ప్రపోజ్ చేసాడు.. కామెంట్ సెక్షన్ లో కియారా అద్వానీ అనేక హార్ట్ ఎమోజీలను పోస్ట్ చేసింది. కృతి సనన్ ''ఓమ్! అభినందనలు ప్రేమ'' అని వ్యాఖ్యానించ‌గా, అతియా శెట్టి కూడా బ్లాక్ హార్ట్ ఎమోజితో అభినందనలు తెలిపింది. లిసా హేడన్ ఇలా రాసింది. ''Awww లవ్ కంగ్రాట్స్ అండ్ గ్లేసియర్ 3000'' అని వ్యాఖ్య‌ను జోడించింది. బాలీవుడ్ పార్టీలలో సంద‌డి చేసే ఓర్రీ కూడా ఎమీజాక్స‌న్ కి శుభాకాంక్ష‌లు తెలిపాడు. 'బిగ్గెస్ట్ కంగ్రాట్స్ ఏంజెల్ !!!' అని రాసాడు. శృతి హాసన్ కూడా రెడ్ హార్ట్ ఎమోజీలను పోస్ట్ చేసింది. స్నేహితులు, అభిమానులు ఎమీని పెద్ద ఎత్తున‌ అభినందించారు.

''అతిపెద్ద అభినందనలు దేవదూత !!!'' అని రాసిన ఓర్రి ''గాసిప్ గర్ల్‌లో చక్ బాస్‌గా ఎడ్ ఐకానిక్ పాత్రను ప్రస్తావిస్తూ చాలా మంది అభిమానులు వ్యాఖ్యానించారు. ''చక్ చివరకు అతడి బ్లెయిర్‌ను కనుగొన్నాడు... అని పొగిడేశారు. ఒక వ్యక్తి ఇలా వ్యాఖ్యానించాడు. ''సారీ?! నేను నా ఫోన్ తీసి కంగ్రాట్స్ చెప్ప‌డానికి సిద్ధంగా లేను, మీరు ?''అని రాసారు.

ఎమీ జాక్సన్- ఎడ్ వెస్ట్‌విక్ 2022లో ఇన్‌స్టాగ్రామ్‌లో తమ ప్రేమ గురించి పబ్లిక్ గా ప్ర‌క‌టించారు. గత సంవత్సరం ఎడ్ పుట్టినరోజు సందర్భంగా ఎమీ ఒక స్వీట్ నోట్‌ను రాసింది. నేను ప్రతి రోజు మీ కోసం దేవునికి కృతజ్ఞతలు తెలుపుతున్నాను.. మీరు సంతోషంగా ఉండాలి నా ప్రేమ‌! అని రాసింది. ఎమీ జాక్స‌న్ తిరిగి భార‌తీయ సినిమాల్లో న‌టిస్తుంద‌ని ఇంత‌కుముందు క‌థ‌నాలొచ్చాయి. కానీ త‌దుప‌రి ప్రాజెక్ట్ గురించి ఇంకా ఎలాంటి స‌మాచారం లేదు.