యానిమల్ సాంగ్.. వంగా మార్క్ రొమాన్స్తో వినసొంపుగా
అమ్మాయి అంటూ సాగే మెలోడియస్ సాంగ్‌ను రిలీజ్‌ చేశారు మేకర్స్. ఇంట్లో వాళ్లు పెళ్లి ఒప్పుకోకపోవడంతో బయటకు వచ్చేసి రణ్బీర్ - రష్మిక పెళ్లి చేసుకున్న జర్నీని ఈ సాంగ్లో చూపించారు.
By: Tupaki Desk | 11 Oct 2023 7:30 AM GMT
ది మోస్ట్‌ వైలెంట్‌ సినిమాగా తెరకెక్కిన యానిమల్‌పై మూవీ లవర్స్‌లో ఉన్న ఎగ్జైట్మెంట్ అంతా ఇంతా కాదు. బార్డర్‌లు పెట్టుకున్న టాలీవుడ్‌కే అర్జున్‌ రెడ్డి లాంటి కల్ట్‌ క్లాసిక్ సినిమాతో ట్రెండ్‌ సెట్‌ చేసిన సందీప్ రెడ్డి.. ఈ చిత్రంతో విధ్వంసం సృష్టించేందుకు రెడీగా ఉన్నారు. తాజాగా ఈ మూవీ నుంచి ఫస్ట్ సింగిల్ వచ్చేసింది.
అమ్మాయి అంటూ సాగే మెలోడియస్ సాంగ్‌ను రిలీజ్‌ చేశారు మేకర్స్. ఇంట్లో వాళ్లు పెళ్లి ఒప్పుకోకపోవడంతో బయటకు వచ్చేసి రణ్బీర్ - రష్మిక పెళ్లి చేసుకున్న జర్నీని ఈ సాంగ్లో చూపించారు. రొమాంటిక్ లవ్ కిస్తో ప్రారంభమైన ఈ సాంగ్ ఆద్యంతం ఎంతో మెలోడియస్గా రొమాంటిక్గా సాగింది. విజువల్స్ కూడా రిచ్గా ఉన్నాయి. ప్రైవేట్‌ జెట్‌లో ఇద్దరు జర్నీ చేస్తూ రొమాన్స్ చేసుకున్నట్లు చూపించారు.
రష్మిక - రణ్బీర్ లుక్ కూడా ఎంతో కూల్గా ఉంది. ఇద్దరు మద్య రొమాన్స్ కెమిస్ట్రీ చాలా బాగుంది. సాంగ్లో సందీప్ వంగా మార్క్ బోల్డ్ అండ్ రొమాన్స్ కంటెంట్ స్పష్టంగా కనపించింది. ఇకపోతే ప్రీతమ్, విశాల్ మిశ్రా, జానీ స్వరాలు సమకూర్చారు. రాఘవ్ చైతన్య, ప్రీతమ్ పాటను ఆలపించారు. అనంత శ్రీరామ్ లిరిక్స్ అందించారు. మొత్తంగా సాంగ్ శ్రోతలను ఆకట్టుకునేలా వినసొంపుగా సాగింది.
కాగా, గ్యాంగ్‌స్టర్ నేపథ్యంలో తెరకెక్కుతున్న ఈ సినిమాలో రష్మిక హీరోయిన్‌గా నటిస్తుంది. బాలీవుడ్ స్టార్ అనీల్ కపూర్.. రమ్బీర్కు నాన్నగా కనిపించనున్నారు. బాబీ డియోల్ ఓ కీలక పాత్ర పోషిస్తున్నారు. రివేంజ్ డ్రామా నేపథ్యంలో ఈ సినిమా తెరకెక్కిందని ఇన్‌సైడ్‌ టాక్‌. ఇకపోతే ముందుగా ఈ సినిమా ఆగస్టు 11న రిలీజ్‌ చేయాలని అనుకున్నారు. కానీ ఆ తర్వాత డిసెంబర్‌ 1కు పోస్ట్‌ పోన్‌ చేశారు.
ఇప్పటికే రిలీజైన టీజర్‌ ఏ లెవల్లో విధ్వంసం సృష్టించిందో తెలిసిందే. మరీ ముఖ్యంగా టీజర్‌లో సందీప్ మార్క్ స్పష్టంగా కనిపించింది. సినిమా నుంచి వస్తన్న బ్యాక్‌ టు బ్యాక్‌ అప్‌డేట్‌లు అంచనాలు క్రియేట్ చేస్తున్నాయి. ఈ చిత్రంతో ఎలాగైనా రష్మిక.. బాలీవుడ్ తొలి హిట్ను అందుకుంటుందని ఆమె అభిమానులు ఆశిస్తున్నారు. చూడాలి మరి ఈ సినిమా ఎలా ఉంటుందో.
