ముంబై కోకిలాబెన్ ఆసుపత్రిలో అమితాబ్

బిగ్ బి అమితాబ్ బచ్చన్ ఆసుపత్రిలో చేరారు. 81 ఏళ్ల బిగ్ బి ముంబైలోని కోకిలాబెన్ ఆసుపత్రిలో చేరారని ప్ర‌ముఖ‌ జాతీయ మీడియా వెల్ల‌డించింది. అమితాబ్ బచ్చన్ పరిధీయ(పెరిఫెర‌ల్‌) గుండె కోసం చికిత్స పొందారు.. కరోనరీ హార్ట్ కోసం కాదు! అని కూడా స‌ద‌రు జాతీయ మీడియా న్యూస్ 18 క‌థ‌నం వెలువ‌రించింది. అమితాబ్ గుండె మీద కాకుండా అతని కాలులోని గడ్డపై యాంజియోప్లాస్టీ నిర్వహించార‌ని తెలిసిన‌ట్టు స‌ద‌రు క‌థ‌నం పేర్కొంది.

ఆసుపత్రిలో చేరడానికి ఒక గంట ముందు బిగ్ బి X లో ఒక పోస్ట్‌ను షేర్ చేసారు. T 4950 - ఎప్పటికీ కృతజ్ఞతతో.. అని రాస్తూ తన సోషల్ మీడియా ప్లాట్‌ఫామ్‌లో ISPLలో ఇటీవల కనిపించిన వీడియోను కూడా బిగ్ బి షేర్ చేసారు. T 4950 - ఆంఖ్ ఖోల్కే దేఖ్ లో, కాన్ లగాకే సన్ లో, మాఝీ ముంబై కి హోగీ జై జైకార్, యే బాత్ అబ్ మాన్‌లో! అని అమితాబ్ మ్యాచ్ సమయంలో కొడుకు అభిషేక్ బచ్చన్‌తో కొన్ని మరపురాని క్షణాలను కలిగి ఉన్న వీడియోను షేర్ చేసారు.

ఈ ఏడాది ప్రారంభంలో అమితాబ్ బచ్చన్ తన మణికట్టుకు శస్త్రచికిత్స చేయించుకున్నారు. 2024 జనవరిలో తన బ్లాగ్‌లో అమితాబ్ ఇలా రాసారు. ``ఐఎస్‌పిఎల్ ను ప్ర‌క‌ట‌న‌ల‌తో ప్రమోట్ చేసాం. ఫలవంతమైన మార్గంలో ఉంది. ఇందులో పాల్గొన్న యజమానులు సభ్యులందరూ చిరస్థాయిగా క‌లిసి ఉండాల్సిన అవసరం ఉంది`` అని రాసారు. అయితే అమితాబ్ చేతికి స‌ర్జ‌రీ అయినా కానీ తన త‌దుప‌రి ప్రాజెక్ట్‌ల షూటింగుల్లో పాల్గొన్నారు.

ఇటీవలి అమితాబ్ కూడా కోవిడ్ -19 తో పోరాడాడు. ప్రాజెక్ట్ కే (క‌ల్కి) ప్ర‌మోష‌న్స్ కోసం 2023 కామిక్ కాన్ కోసం శాన్ డియాగోకు ప్రయాణించకుండా అనారోగ్య స‌మ‌స్య‌లున్నాయ‌ని అప్ప‌ట్లో వెల్లడించాడు. అమితాబ్ `క‌ల్కి 2989 AD` చిత్రంలో న‌టిస్తున్న సంగ‌తి తెలిసిందే. సౌత్ - నార్త్ లో ప‌లువురు అగ్ర క‌థానాయ‌కుల సినిమాల్లో అమితాబ్ న‌టిస్తున్నారు.