50 ఏళ్ల క్రితం ఆయన ఇచ్చిన అండే నేడు గీతా ఆర్ట్స్-అల్లు అరవింద్

హైదరాబాద్ కోకాపేటలో సరికొత్త హంగులతో వెలిసిన ‘అల్లు సినిమాస్‌’ను ముఖ్యమంత్రి రేవంత్ రెడ్డి గారు ఘనంగా ప్రారంభించారు. ఈ వేడుకలో అల్లు అరవింద్ గారు మాట్లాడుతూ గతాన్ని తలచుకుని భావోద్వేగానికి లోనయ్యారు. అర్ధ శతాబ్దం క్రితం సినిమా రంగాన్ని చిన్నచూపు చూసే రోజుల్లో, తండ్రి అల్లు రామలింగయ్య గారు వేసిన పునాదే నేడు 'గీతా ఆర్ట్స్' సామ్రాజ్యంగా ఎదిగింది. కోకాపేటలో 'అల్లు సినిమాస్' ప్రారంభోత్సవం సందర్భంగా అల్లు అరవింద్ పంచుకున్న జ్ఞాపకాలు ప్రతి ఒక్కరినీ కదిలించాయి. తన తండ్రి చూపిన ధైర్యం, చిరంజీవి గారిని ఇంటి అల్లుడిని చేసుకున్న గొప్ప నిర్ణయమే ఈరోజు తమ కుటుంబాన్ని ఈ స్థాయికి చేర్చాయని ఆయన గర్వంగా తెలిపారు ..ఆ వివరాలు ఇలా వున్నాయి ..

ఆనాడు నాన్న చూపిన బాట.. నేడు నిర్మించిన సినిమా కోట:

హైదరాబాద్ లో సరికొత్త హంగులతో వెలిసిన ‘అల్లు సినిమాస్‌’ను ముఖ్యమంత్రి రేవంత్ రెడ్డి గారు ఘనంగా ప్రారంభించారు. ఈ వేడుకలో అల్లు అరవింద్ గారు మాట్లాడుతూ తన తండ్రి ని తలచుకుని భావోద్వేగానికి లోనయ్యారు. 50 ఏళ్ల క్రితం సినిమా ఇండస్ట్రీ అంటే గౌరవం లేని రోజుల్లో, తన తండ్రి రామలింగయ్య గారు ధైర్యంగా ముందుకు నడిపించారని గుర్తు చేసుకున్నారు. "కష్టపడితే ఈ రంగంలో నీకంటూ ఒక గుర్తింపు వస్తుంది" అని తండ్రి ఇచ్చిన ఆ భరోసానే తనను ఈరోజు ఒక గొప్ప నిర్మాతగా నిలబెట్టిందని ఆయన పేర్కొన్నారు.

మెగాస్టార్ తో బంధం.. అల్లు వారి విజయానికి ఇంధనం:

అల్లు అరవింద్ గారు తన ప్రసంగంలో ఒక ఆసక్తికరమైన విషయాన్ని పంచుకున్నారు. తండ్రి రామలింగయ్య గారు కేవలం తనను ప్రోత్సహించడమే కాకుండా, తన సోదరిని ఆనాటి యువ హీరో చిరంజీవి గారికి ఇచ్చి పెళ్లి చేసి ఇండస్ట్రీతో తమ బంధాన్ని మరింత బలోపేతం చేశారని చెప్పారు. ఇక ఆ నిర్ణయం వల్లే అల్లు కుటుంబం, మెగా కుటుంబం కలిసి ఇండస్ట్రీని ఏలే స్థాయికి చేరుకున్నాయి. నేడు 'గీతా ఆర్ట్స్' ఇంత పెద్ద సంస్థగా ఎదగడం వెనుక, అల్లు అర్జున్ లాంటి స్టార్ హీరోను అందించడం వెనుక ఆనాడు తండ్రి పడ్డ కష్టం, చూపిన విజన్ ఉందని అరవింద్ గారు గర్వంగా తెలిపారు.

ఈ మల్టీప్లెక్స్ లోని ఆధునిక ఏర్పాట్లను చూసిన ముఖ్యమంత్రి రేవంత్ రెడ్డి, అల్లు అరవింద్ విజన్‌ను అభినందించారు. డాల్బీ స్క్రీన్ లో ప్రచార చిత్రాలను వీక్షిస్తున్నప్పుడు అల్లు అరవింద్ కళ్లలో ఒక తృప్తి కనిపించింది. ఈరోజు నేను చేస్తున్న ఈ పనులు చూసి, నాన్న గారు పైనుంచి ఆనందిస్తుంటారు అని ఆయన చెప్పిన మాటలు అక్కడున్న వారందరినీ ఆలోచింపజేశాయి. ఒక తండ్రి తన కొడుకుపై పెట్టుకున్న నమ్మకం 50 ఏళ్ల తర్వాత ఎలా ఫలిస్తుందో అల్లు అరవింద్ గారి ప్రయాణం నిరూపించింది. ఇది కేవలం ఒక సినిమా థియేటర్ ప్రారంభోత్సవం కాదు, అల్లు వారి వంశ గౌరవాన్ని మరో మెట్టు ఎక్కించిన విజయోత్సవం.