అనుకున్నట్లే మంచి ప్రాజెక్ట్ పట్టేసిన బేబీ

టాలీవుడ్ అగ్ర నిర్మాతల్లో ఒకరైన దిల్ రాజు ఓవైపు బడా హీరోలతో సినిమాలు చేస్తూనే మరోవైపు వైవిధ్యమైన కంటెంట్ ఉన్న చిన్న చిత్రాలను సైతం ప్రోత్సహిస్తూ ఉంటారు. ఎంకరేజ్ చేయడంలో ఎప్పుడూ ముందే ఉంటారు. ఓవైపు తన సొంత బ్యానర్ వెంకటేశ్వర క్రియేషన్స్ పై భారీ బడ్జెట్ సినిమాలు నిర్మిస్తూనే మరోవైపు దిల్ రాజు ప్రొడక్షన్స్ బ్యానర్ పై డిఫరెంట్ మూవీస్ ని రూపొందిస్తున్నారు.

ఈ నిర్మాణ సంస్థలో మొదటగా రూపొందిన 'బలగం' మూవీ ఎంత పెద్ద సక్సెస్ అయిందో తెలిసిందే. ఇక తాజాగా దిల్ రాజు ప్రొడక్షన్స్ బ్యానర్ పై శిరీష్ సమర్పణలో దిల్ రాజు అన్న కొడుకు ఆశిష్ హీరోగా ఓ సినిమా తెరకెక్కుతోంది. అరుణ్ భీమవరపు దర్శకత్వం వహిస్తున్న ఈ చిత్రాన్ని శిరీష్ సమర్పణలో హర్షిత్ రెడ్డి, హన్సిత, నాగమల్లిడి నిర్మిస్తున్నారు. ఈ సినిమాలో శిరీష్ సరసన బేబీ మూవీ ఫేమ్ వైష్ణవి చైతన్య హీరోయిన్ గా నటిస్తోంది.

ఆస్కార్ అవార్డ్ విన్నింగ్ మ్యూజిక్ డైరెక్టర్ ఎం. ఎం కీరవాణి ఈ చిత్రానికి సంగీతం అందిస్తుండగా నేషనల్ అవార్డు విన్నర్ పి.సి శ్రీరామ్ సినిమాటోగ్రాఫర్ గా వ్యవహరిస్తున్నారు. త్వరలోనే ఈ సినిమాకి సంబంధించి మరిన్ని వివరాలను మేకర్స్ తెలియజేయనున్నారు. కాగా ఆశిష్ రెడ్డి 'రౌడీ బాయ్స్' అనే సినిమాతో టాలీవుడ్ కి హీరోగా ఎంట్రీ ఇచ్చాడు. ఆ మూవీ ఆశించిన స్థాయిలో విజయం సాధించలేదు.

దీనితో తన సోదరుడి కొడుకుని హీరోగా నిలబెట్టాలని దిల్ రాజు ఎంతగానో ప్రయత్నిస్తున్నారు. ఓ డిఫరెంట్ యూత్ ఫుల్ లవ్ స్టోరీ గా తెరకెక్కనున్న ఈ చిత్రానికి 'లవ్ మీ' అనే టైటిల్ ని మేకర్స్ పరిశీలిస్తున్నట్లు సమాచారం. బేబీ సినిమాతో హీరోయిన్గా పరిచయమైన వైష్ణవి చైతన్యకి మూడవ సినిమానే దిల్ రాజు లాంటి పెద్ద బ్యానర్ లో ఛాన్స్ రావడం విశేషం. బేబీ మూవీలో తన పర్ఫామెన్స్ తో యూత్ ని విపరీతంగా ఆకట్టుకున్న వైష్ణవి చైతన్య ఆనంద్ దేవరకొండ తో మరో సినిమా చేస్తోంది.

ఆ ప్రాజెక్టును ఇటీవలే అఫీషియల్ గా అనౌన్స్ చేసారు. ఇక ఇప్పుడు దిల్ రాజు బ్యానర్లో ఆశిష్ రెడ్డికి జోడిగా నటిస్తుండడంతో ఒక్కసారిగా ఈ ప్రాజెక్టుపై ఆడియన్స్ లో ఆసక్తి పెరిగింది. ఇక ఆశిష్ రెడ్డి ప్రస్తుతం 'సెల్ఫిష్' అనే సినిమాలో నటిస్తున్నాడు. లవ్ టుడే మూవీ ఫేమ్ ఇవానా ఈ సినిమాలో హీరోయిన్ గా నటిస్తోంది. ప్రస్తుతం చిత్రీకరణ దశలో ఉన్న ఈ సినిమా వచ్చే ఏడాది ప్రేక్షకుల ముందుకు రానుంది.