20 ఏళ్లైనా అమ్మడిలో ఆ గ్రేస్ ఏమాత్రం తగ్గలేదు..!

ఆర్య సినిమా 20 ఏళ్లు అవుతున్న సందర్భంగా నిర్మాత దిల్ రాజు ఒక స్పెషల్ ఈవెంట్ ఏర్పాటు చేశారు. ఆ ఈవెంట్ లో ఆ సినిమాకు పనిచేసిన వారంతా కూడా దాదాపు అటెండ్ అయ్యారు. ఆర్య సినిమా డైరెక్టర్ సుకుమార్, అల్లు అర్జున్ ఇద్దరు కూడా 20 ఏళ్ల తర్వాత కూడా కలిసి మరో సినిమా చేస్తున్నారు. పుష్ప 1 సూపర్ హిట్ కాగా ఇద్దరు కలిసి పుష్ప 2 అంటూ మరో సెన్సేషన్ కు సిద్ధమయ్యారు.

20 ఏళ్ల తర్వాత ఆర్య షూటింగ్ విషయాలు.. అప్పుడు జరిగిన ఇన్సిడెంట్స్ గురించి చెబుతూ చిత్ర యూనిట్ అంతా ఆరోజుల్లోకి వెళ్లారు. ఈ సందర్భంగా సినిమాలో స్పెషల్ సాంగ్ చేసిన అభినయశ్రీ స్టేజ్ మీద కాలు కదిపింది. అ అంటే అమలాపురం సాంగ్ బిట్ కి ఆమె డ్యాన్స్ వేసింది. అభినయశ్రీ లో ఆ గ్రేస్ 20 ఏళ్ల తర్వాత కూడా అలానే ఉంది. ఇదే విషయాన్ని అల్లు అర్జున్ కూడా అన్నారు.

శంకర్ మాస్టర్ కొరియోగ్రఫీ లో షూట్ చేసిన అ అంటే అమలాపురం సాంగ్ లో ఆ స్టెప్పులు అభినయశ్రీ ఇలా వచ్చి అలా వేసేదని.. తానే దాదాపు రెండు గంటల దాకా ప్రాక్టీస్ చేశానని అన్నారు అల్లు అర్జున్. అప్పటికీ ఇప్పటికీ ఆమెలో గ్రేస్ ఏమాత్రం తగ్గలేదని అన్నారు అల్లు అర్జున్.

ఇదే కార్యక్రమంలో అల్లు అర్జున్ ఆర్య విషయంలో వి.వి.వినాయక్ మాట సాయం కూడా ఉందని అన్నారు. తొలి సినిమా అవ్వడం వల్ల సుకుమార్ చేయగలడా లేడా అన్న డౌట్ అల్లు అరవింద్ కు ఉండటంతో మీకెందుకు సార్ కుర్రాడు బాగా తీస్తాడు. ఒకవేళ మధ్యలో డౌట్ వస్తే చెప్పండి నేను వచ్చి చేస్తానని అన్నారట. అలా ఆర్య తాను చేసేందుకు ధైర్యం ఇచ్చిన వినాయక్ అన్నయ్యకు థాంక్స్ అని అన్నారు అల్లు అర్జున్.

ఈవెంట్ లో భాగంగా యాంకర్ అల్లు అర్జున్ ని మీరు వన్ సైడ్ లవ్ చేసింది ఎవరని అడిగింది. దానికి స్నేహానే అన్నారు అల్లు అర్జున్. ఆమెను ఇప్పుడు కాదు ఎప్పుడు వన్ సైడ్ లవ్వే అని అన్నాడు. ప్రేమించి పెళ్లి చేసుకున్న భార్యని వన్ సైడ్ లవ్ చేయడం ఏంటని అనుకుంటున్నారు. అల్లు అర్జున్ మాటల్లో అర్థం ఆమెను ఎంత ప్రేమించిన సరిపోదన్నట్టు అర్ధం అన్నట్టుగా ఫ్యాన్స్ భావిస్తున్నారు.