లోకేష్‌తో సినిమాపై క్లారిటీ ఇచ్చిన ఆమిర్

ఖైదీ, విక్ర‌మ్, లియో సినిమాల‌తో కోలీవుడ్ లో నెక్ట్స్ లెవెల్ గుర్తింపును తెచ్చుకోవ‌డంతో పాటూ స్టార్ డైరెక్ట‌ర్ గా మారాడు లోకేష్ క‌న‌గ‌రాజ్. ప్ర‌స్తుతం త‌మిళ సూప‌ర్ స్టార్ ర‌జినీకాంత్ ద‌ర్శ‌క‌త్వంలో కూలీ సినిమా చేస్తున్నాడు లోకేష్ క‌న‌గ‌రాజ్. ఈ సినిమాలో నాగార్జున‌, ఉపేంద్ర కీల‌క పాత్ర‌లు చేస్తుండ‌గా కూలీ ఆగ‌స్టు లో ప్రేక్ష‌కుల ముందుకు రానుంది.

లోకేష్ అడ‌గాలే కానీ ఏ హీరో అయినా డేట్స్ ఇవ్వ‌డానికి ఆలోచించ‌రు. అంత‌టి క్రేజ్ సంపాదించుకున్నాడు ఈ డైరెక్ట‌ర్. ఈ నేప‌థ్యంలోనే తాను త్వ‌ర‌లోనే లోకేష్ క‌న‌గ‌రాజ్ ద‌ర్శ‌క‌త్వంలో సినిమా చేయ‌నున్న‌ట్టు వెల్ల‌డించాడు ఓ స్టార్ హీరో. ఆయ‌న మ‌రెవ‌రో కాదు, బాలీవుడ్ అగ్ర హీరో ఆమిర్ ఖాన్. ప్ర‌స్తుతం ఆమిర్ ఖాన్ సితారే జ‌మీన్ ప‌ర్ సినిమా రిలీజ్ ప‌నుల్లో బిజీగా ఉన్నాడు.

సితారే జ‌మీన్ ప‌ర్ సినిమా జూన్ 20న ప్రేక్ష‌కుల ముందుకు రానుంది. ఈ సంద‌ర్భంగా ఆ చిత్ర ప్ర‌మోష‌న్స్ లో యాక్టివ్ గా పాల్గొంటున్న ఆమిర్ ప‌లు విష‌యాల‌ను షేర్ చేసుకుంటున్నారు. అందులో భాగంగానే తాను లోకేష్ క‌న‌గ‌రాజ్ ద‌ర్శ‌క‌త్వంలో ఓ సినిమా చేయ‌నున్న విష‌యాన్ని వెల్ల‌డించాడు. సితారే జ‌మీన్ ప‌ర్ ప్ర‌మోష‌న్స్ లో ఓ విలేక‌రి నుంచి ఆమిర్ కు దీనికి సంబంధించిన ప్ర‌శ్న ఎదురైంది.

గ‌త కొన్నాళ్లుగా మీరు లోకేష్ తో సినిమా చేయ‌బోతున్నార‌ని వార్త‌లొస్తున్నాయి అందులో నిజ‌మెంత అని అడ‌గ్గా, దానికి ఆమిర్ స్పందిస్తూ అవును, ఆ వార్త‌లు నిజ‌మే, లోకేష్ తో తాను సినిమా చేస్తున్నట్టు వెల్ల‌డించాడు. ప్ర‌స్తుతం తామిద్ద‌రూ ఆ ప‌నుల్లోనే బిజీగా ఉన్నామ‌ని, ఓ సూప‌ర్ హీరో జాన‌ర్ లో ఈ సినిమా ఉండ‌బోతుంద‌ని, నెక్ట్స్ ఇయ‌ర్ జూన్ లో ఈ సినిమా ప‌ట్టాలెక్కే ఛాన్సుంద‌ని, ఇప్పుడు ఈ ప్రాజెక్టు గురించి ఇంత‌కంటే ఎక్కువ మాట్లాడ‌లేన‌ని, మ‌రో రెండేళ్ల త‌ర్వాత దీని గురించి మాట్లాడుకుందామ‌ని ఆమిర్ తెలిపాడు.