వాట్సాప్‌లో కొత్త మోసం.. బ్లర్ ఇమేజ్ స్కామ్!

Cyber Crime : వాట్సాప్‌లో కొత్త స్కామ్ వెలుగులోకి వచ్చింది. దీనిని బ్లర్ ఇమేజ్ స్కామ్ అంటారు. సైబర్ నేరగాళ్లు మీ భావోద్వేగాలు, ఉత్సుకతను ఉపయోగించుకుని మిమ్మల్ని మోసం చేయడానికి ఈ స్కామ్ చాలా తెలివిగా రూపొందించారు. మీ వాట్సాప్‌లో బ్లర్ ఇమేజ్ వచ్చిన తర్వాత ఆట ప్రారంభమవుతుంది. మీ ఫోన్ హ్యాక్, బ్యాంకు ఖాతా ఖాళీ చేస్తారు. ఈ స్కామ్ ఎలా జరుగుతుంది? దీని బారిన పడకుండా ఎలా రక్షించుకోవాలి?

బ్లర్ ఇమేజ్ స్కామ్ ఎలా పని చేస్తుంది?

ఈ స్కామ్‌లో, మీకు వాట్సాప్‌లో తెలియని నంబర్ నుండి బ్లర్డ్ ఫోటో పంపబడుతుంది. ఆ ఫోటోలో, ఆ ఫోటోను చూడాలనే ఉత్సుకతను పెంచే క్యాప్షన్ ఇస్తారు. నీ పాత ఫోటో దొరికింది.. ఎంత బాగుందో చూడు అని చెబుతారు.ఇలాంటి లైన్లు చదివిన తర్వాత మీరు ఆ ఫోటోపై క్లిక్ చేయడం ఆపుకోలేరు. కానీ మీ ఒక్క క్లిక్ మీ జీవితాన్ని నాశనం చేస్తుంది.

మీరు ఫోటోపై క్లిక్ చేసినప్పుడు లేదా ఫోటోను తెరవడానికి ప్రయత్నించినప్పుడు..ఇది నకిలీ వెబ్‌సైట్‌కి దారి తీస్తుంది. అక్కడ మీ వ్యక్తిగత వివరాలు, OTP లేదా బ్యాంకు వివరాలు అడుగుతారు. కొన్ని సందర్భాల్లో, ఈ లింక్ మీ ఫోన్‌లో వైరస్ లేదా మాల్వేర్‌ను కూడా ఉంచవచ్చు. అలా చేస్తే మీ బ్యాంకు ఖాతా ఖాళీ కావచ్చు.మీ సోషల్ మీడియా ఖాతాలు హ్యాక్ కావచ్చు. వ్యక్తిగత సమాచారం దొంగిలించబడవచ్చు. మొబైల్‌లో వైరస్ లేదా స్పైవేర్ రావచ్చు.

దీని నుంచి తప్పించుకోవాలంటే తెలియని నంబర్ నుండి వచ్చిన ఫోటో లేదా లింక్‌పై క్లిక్ చేయకుండా ఉండండి. వాట్సాప్ ప్రైవసీ సెట్టింగ్‌లను స్ట్రాంగ్ గా ఉంచుకోండి. వాట్సాప్‌లో టూ-స్టెప్ వెరిఫికేషన్‌ను ఆన్ చేయండి. ఫోన్‌లో యాంటీ-వైరస్ యాప్‌ను ఇన్‌స్టాల్ చేయండి.పొరపాటున క్లిక్ చేస్తే వెంటనే పాస్‌వర్డ్‌ను మార్చి బ్యాంకుకు తెలియజేయండి.