'బ్రో' ప్రీ రిలీజ్ బిజినెస్.. బాక్సాఫీస్ టార్గెట్ ఎంతంటే?

పవర్ స్టార్ పవన్ కళ్యాణ్, సాయి ధరమ్ తేజ్ కలిసి నటించిన బ్రో సినిమా ఈవారం గ్రాండ్ గా ప్రేక్షకుల ముందుకు రాబోతున్న విషయం తెలిసిందే. చాలా రోజుల తర్వాత ఒక బిగ్ స్టార్ హీరోల సినిమా ప్రేక్షకుల ముందుకు వస్తూ ఉండడంతో బాక్సాఫీస్ వద్ద హడావిడి గట్టిగానే కొనసాగే అవకాశం ఉంది. సముద్రఖని దర్శకత్వంలో తెరకెక్కిన ఈ సినిమాకు త్రివిక్రమ్ స్క్రీన్ ప్లే డైలాగ్స్ అందించగా పీపుల్స్ మీడియా ఫ్యాక్టరీలో విశ్వప్రసాద్ ఈ సినిమాను నిర్మించారు.

ఇక బ్రో సినిమాకు సంబంధించిన థియేట్రికల్ ప్రీ రిలీజ్ బిజినెస్ ఏ రేంజ్ లో జరిగింది అనే వివరాల్లోకి వెళితే, బ్రో సినిమాకు మొదటి నుంచి కూడా మార్కెట్ లో పాజిటివ్ వైబ్రేషన్స్ ఉన్నాయి.

ఇక మరోసారి మెగా హీరోలు 100 కోట్ల కలెక్షన్స్ అందుకోవడానికి టార్గెట్ అయితే ఫిక్స్ చేసుకున్నారు. ఈ సినిమా ఏరియాలో మారిగా చేసిన ఫ్రీ రిలీజ్ బిజినెస్ వివరాలు ఈ విధంగా ఉన్నాయి.

నైజాం ఏరియాలో 30 కోట్ల ధర పలికిన ఈ సినిమా సీడెడ్ లో 13.20 కోట్లు, ఉత్తరాంధ్రలో 19.5 కోట్లు, ఈస్ట్ లో 6.40 కోట్లు, గుంటూరులో 7.40 కోట్లు, కృష్ణ లో 5.24 కోట్లు, నెల్లూరులో 3.40 కోట్ల రేంజ్ లో ప్రీ రిలీజ్ బిజినెస్ చేసినట్లు సమాచారం. ఆంధ్రప్రదేశ్ తెలంగాణలో మొత్తంగా బ్రో సినిమా 80 కోట్ల వరకు ఫ్రీ రిలీజ్ బిజినెస్ అయితే చేసింది.

ఇక కర్ణాటక అలాగే రెస్ట్ ఆఫ్ ఇండియా కలుపుకొని 5 కోట్ల ధర పలికిన ఈ సినిమా ఓవర్సీస్ లో 12 కోట్ల రేంజ్ బిజినెస్ చేసినట్లు సమాచారం. బ్రో సినిమా టోటల్ గా ప్రపంచవ్యాప్తంగా 97.50 కోట్ల రేంజ్ లో అయితే ఫ్రీ రిలీజ్ బిజినెస్ చేసింది. పవన్ కళ్యాణ్ సాయి ధరమ్ తేజ్ రేంజ్ కు తగ్గట్టుగానే ఈ సినిమా మార్కెట్లో మంచి డిమాండ్ అయితే ఏర్పరచుకుంది.

ఇక ప్రపంచ వ్యాప్తంగా బాక్స్ ఆఫీస్ వద్ద ఈ సినిమా 98.50 కోట్ల వరకు బ్రేక్ ఈవెన్ టార్గెట్ ను ఫిక్స్ చేసుకుంది. అంటే దాదాపు 100 కోట్ల వరకు ఈ సినిమా వెనక్కి తేవలసి ఉంటుంది. నాన్ థియేట్రికల్ బిజినెస్ ద్వారానే నిర్మాతలకు పెట్టిన పెట్టుబడిలో సగానికి పైగా వెనక్కి వచ్చింది. ఇక ఇప్పుడు థియేట్రికల్ గా ఈ సినిమా మంచి షేర్ అందిస్తే మాత్రం జాక్ పాట్ కొట్టేసినట్లే. మరి బ్రో సినిమా బాక్సాఫీస్ వద్ద ఎలాంటి కలెక్షన్స్ అందుకుంటుందో చూడాలి.