అమెరికా వీసా దరఖాస్తుదారులకు కీలక సూచన: సోషల్ మీడియా ఖాతాలపై నిఘా

అమెరికా వీసా కోసం దరఖాస్తు చేసుకునే వారికి ఒక ముఖ్యమైన సూచన! ఇటీవలి కాలంలో వీసా దరఖాస్తుదారుల సోషల్ మీడియా అకౌంట్లపై నిఘా పెరిగింది. ముఖ్యంగా ట్రంప్ పరిపాలన నుండి వలస విధానాల్లో వచ్చిన మార్పుల్లో ఇది ఒకటి.

- ఎందుకు ఈ మార్పు?

అమెరికా వీసా కోసం దరఖాస్తు చేసే వ్యక్తులు ఇప్పుడు తమ సోషల్ మీడియా వివరాలను అధికారులకు సమర్పించాల్సి వస్తోంది. మీరు ఉపయోగించే ఫేస్‌బుక్, ఇన్‌స్టాగ్రామ్, ట్విట్టర్ వంటి అకౌంట్లు పబ్లిక్‌గా ఉన్నాయా, గతంలో మీరు పెట్టిన పోస్టులు, ఫోటోలు, కామెంట్లు ఏవైనా అనుమానాస్పదంగా ఉన్నాయా అనే అంశాలను అధికారులు నిశితంగా పరిశీలిస్తున్నారు.

మీ అకౌంట్ ప్రైవేట్ మోడ్‌లో ఉంటే లేదా అందులో ఏదైనా అనుచిత విషయాలు ఉంటే, మీ వీసా ఆమోద ప్రక్రియ ఆలస్యం కావచ్చు లేదా పూర్తిగా తిరస్కరించబడే అవకాశం కూడా ఉంది.

ట్రంప్ ప్రభుత్వం ప్రవేశపెట్టిన ఈ కొత్త నిబంధనల వెనుక ముఖ్య ఉద్దేశం అమెరికా భద్రతను పెంపొందించడం, శత్రు భావాలు కలిగిన వ్యక్తులు దేశంలోకి ప్రవేశించకుండా నిరోధించడమే. అయితే దీనిపై కొంతమంది విమర్శలు కూడా చేస్తున్నారు, ఇది దరఖాస్తుదారుల వ్యక్తిగత గోప్యతకు భంగం కలిగిస్తుందని అభిప్రాయపడుతున్నారు. అయినప్పటికీ, భద్రత దృష్ట్యా ఇది అవసరమని మరికొందరు వాదిస్తున్నారు.

- ఏం చేయాలి?

అమెరికా వీసా కోసం దరఖాస్తు చేయాలనుకుంటున్న నిపుణులు మీ సోషల్ మీడియా అకౌంట్లను స్వచ్ఛంగా ఉంచుకోవాలని సూచిస్తున్నారు. అవసరమైతే వాటిని పబ్లిక్‌గా మార్చడం, అలాగే ఏదైనా అనుమానాస్పద కంటెంట్‌ను తొలగించడం చాలా మంచిది. ఇది మీ వీసా మంజూరులో కీలక పాత్ర పోషిస్తుంది.

తక్కువ శ్రమతో మంచి ఫలితాలు పొందాలంటే ఈ జాగ్రత్తలు పాటించాలి..

ఫేక్ వార్తలు లేదా విద్వేష పూరిత వ్యాఖ్యలు పోస్ట్ చేయకండి. మీ ఖాతాలో అసత్య సమాచారం పెట్టకండి. మీ సోషల్ మీడియా అకౌంట్లను పబ్లిక్ మోడ్‌లో ఉంచండి. మీ పాత పోస్టులను రివ్యూ చేసి, అనవసరమైన లేదా అభ్యంతరకరమైన వాటిని వెంటనే డిలీట్ చేయండి.

ఈ చిన్న జాగ్రత్తలు మీ వీసా ప్రయాణాన్ని సాఫీగా కొనసాగించడానికి ఎంతో సహాయపడతాయి.