ట్రంప్ ను కలవడానికి మోడీ భయపడుతున్నాడా?

ప్రధాన మంత్రి నరేంద్ర మోదీ ఇటీవల ఆసియాన్ సదస్సుకు వ్యక్తిగతంగా హాజరుకాకపోవడం భారత రాజకీయాల్లో పెద్ద దుమారాన్ని రేపింది. ఈ గైర్హాజరు కేవలం ప్రోటోకాల్ అంశమే కాకుండా దీని వెనుక భారత అంతర్జాతీయ విధానం.. రాజకీయ వ్యూహం దాగి ఉన్నాయనే చర్చ నడుస్తోంది. ముఖ్యంగా కాంగ్రెస్ నాయకులు, ముఖ్యంగా జైరాం రమేశ్ చేసిన విమర్శలు ఈ చర్చకు మరింత ఆజ్యం పోశాయి.

* జైరాం రమేశ్ ఆరోపణ: ట్రంప్‌ను ఎదుర్కోవడానికే గైర్హాజరు?

కాంగ్రెస్ నాయకుడు జైరాం రమేశ్, మోదీ సదస్సుకు హాజరుకాకపోవడానికి ప్రధాన కారణం డొనాల్డ్ ట్రంప్ అని సూచించారు. సదస్సులో ట్రంప్‌తో ఎదురుపడాల్సి వస్తుందనే భయం కారణంగానే మోదీ దూరంగా ఉన్నారని రమేశ్ విమర్శించారు.

మోదీ అంతర్జాతీయ వేదికలపై తనను తాను “విశ్వగురువుగా” ప్రొజెక్ట్ చేసుకునే “ఇమేజ్ పాలిటిక్స్” కు ఈ గైర్హాజరు విరుద్ధంగా ఉందని కాంగ్రెస్ వాదిస్తోంది. నిజమైన "అంతర్జాతీయ సవాళ్లను" ఎదుర్కోవాల్సిన సమయంలో మోదీ వెనుకడుగు వేస్తున్నారని ప్రతిపక్షం ఆరోపిస్తోంది.

* ట్రంప్ అంశం ఎందుకు కీలకమైంది?

సదస్సులో ట్రంప్ హాజరు కావడమే మోదీ నిర్ణయానికి ముఖ్య కారణంగా చెప్పబడుతోంది. దీనికి కారణాలున్నాయి. డొనాల్డ్ ట్రంప్ తన ప్రస్తుత ప్రచారాలలో భారతదేశం రష్యా నుండి చమురు కొనుగోలు చేయడం మరియు గాజా శాంతి ప్రక్రియ వంటి సున్నితమైన అంశాలను తరచుగా ప్రస్తావిస్తున్నారు. ఈ వ్యాఖ్యలు పరోక్షంగా మోదీ ప్రభుత్వం యొక్క విదేశాంగ విధానాలపై ఒత్తిడిని పెంచుతున్నాయి.

ట్రంప్ రాజకీయంగా తిరిగి బలపడుతున్న వేళ, మోదీతో ఆయన భేటీ అవడం ద్వారా అమెరికా అంతర్గత రాజకీయాల్లో ‘విదేశీ ఆమోదం’ అనే కోణంలో ట్రంప్ రాజకీయంగా లబ్ది పొందేవారు. ట్రంప్ ప్రభుత్వంలో ఉంటే, భారత్‌కు కొన్ని కఠినమైన నిర్ణయాలు ఎదురుకావచ్చనే అంచనాలున్నాయి. ఈ సున్నితమైన దశలో అనవసరమైన రాజకీయ రిస్క్‌ను మోదీ తీసుకోవడానికి ఇష్టపడలేదని విశ్లేషకులు భావిస్తున్నారు.

* మోదీ వ్యూహాత్మక నిర్ణయం: 'సేఫ్ డిప్లొమాటిక్ మువ్'

ప్రధానమంత్రి నరేంద్ర మోదీ సదస్సుకు హాజరుకాకపోవడం వెనుక కేవలం 'భయం' మాత్రమే కాకుండా, ఒక వ్యవస్థీకృత వ్యూహం ఉందనేది విశ్లేషకుల అభిప్రాయం. మోదీ వర్చువల్‌గా పాల్గొనడం ద్వారా సదస్సుకు భారత్ హాజరును కొనసాగించారు. దీనివల్ల ఆసియాన్ దేశాలతో సంబంధాలు దెబ్బతినకుండా చూసుకున్నారు. అదే సమయంలో, ట్రంప్‌తో వ్యక్తిగత భేటీ.. దాని పర్యవసానంగా వచ్చే రాజకీయ 'నాటకాన్ని' తప్పించుకున్నారు. రష్యా-ఉక్రెయిన్, గాజా సంఘర్షణ వంటి అంతర్జాతీయ అంశాలలో భారత్ అనుసరిస్తున్న "తటస్థ విధానాన్ని" కొనసాగించడానికి ఈ దూరం ఉపకరిస్తుంది. అమెరికా లో వ్యతిరేకత ముందు ట్రంప్‌తో అనవసరమైన రాజకీయ చర్చల్లో ఇరుక్కోవడం వ్యూహాత్మక తప్పిదంగా మోదీ భావించి ఉండవచ్చు.

అందువల్ల, మోదీ గైర్హాజరును కేవలం "ట్రంప్‌కు భయపడటం"గా చూడకుండా, అంతర్జాతీయ రాజకీయ అనిశ్చితి మధ్య తమ దేశ ప్రయోజనాలను కాపాడుకోవడానికి, ముఖ్యంగా జాగ్రత్తతో కూడిన "సేఫ్ డిప్లొమాటిక్ మువ్"గా భావించవచ్చు.