ఏఐకి వీడియో గేమ్స్ నేర్పుతున్నావా? మస్క్ మామా ఏంటిది
గ్రోక్ యొక్క సామర్థ్యాన్ని పెంచడానికి, ఎక్స్ఏఐ సంస్థ నిపుణుల నియామకంపై దృష్టి సారించింది. గ్రోక్కు శిక్షణ ఇవ్వడానికి నిపుణులను నియమించుకుంటోంది.;
ప్రపంచ కుబేరుడు ఎలాన్ మస్క్ ఆధ్వర్యంలోని కృత్రిమ మేధ (AI) సంస్థ ఎక్స్ఏఐ (xAI) తమ చాట్బాట్ సేవలుగా అందిస్తున్న “గ్రోక్”ను మరింత సృజనాత్మకంగా తీర్చిదిద్దడానికి సరికొత్త ప్రయత్నాలను ప్రారంభించింది. సాధారణ టెక్స్ట్-ఆధారిత చాట్బాట్లకు మించిపోయి, గ్రోక్ని వీడియో గేమ్లలోనూ నైపుణ్యాన్ని పెంపొందించే దిశగా ఎక్స్ఏఐ కార్యాచరణలు చేపట్టింది.
గేమింగ్లో గ్రోక్: శిక్షణ-నియామకాలు
గ్రోక్ యొక్క సామర్థ్యాన్ని పెంచడానికి, ఎక్స్ఏఐ సంస్థ నిపుణుల నియామకంపై దృష్టి సారించింది. గ్రోక్కు శిక్షణ ఇవ్వడానికి నిపుణులను నియమించుకుంటోంది.
శిక్షణ అంశాలు
1. వీడియో గేమ్లను రూపొందించడం.
2. గేమ్ కథనాలు, పాత్రలు, గేమింగ్ యొక్క లోతైన అంశాలను అర్థం చేసుకోవడం.
3. యూజర్ ప్రవర్తన.. అభిరుచులను తెలుసుకోవడం.
* అభ్యర్థుల అర్హతలు:
గేమ్ డిజైన్, కంప్యూటర్ సైన్స్, AI-సహాయక గేమ్ డెవలప్మెంట్, ప్లేటెస్టింగ్లో అనుభవం ఉన్న అభ్యర్థులను ఈ కొత్త ఉద్యోగాల కోసం ఆహ్వానిస్తున్నారు. ఎంపికైన అభ్యర్థులు గ్రోక్కి వీడియో గేమ్ల లోతైన అంశాలను వివరించి, AIకి ఆలోచన శక్తిని పెంపొందించడంలో సహాయపడతారు.
* గ్రోక్ సామర్థ్యం: టెక్స్ట్ నుండి వినోదం వైపు
ఈ ప్రయత్నం ద్వారా, గ్రోక్ కేవలం టెక్స్ట్ చాట్ మాత్రమే కాకుండా, భవిష్యత్తులో ఆకర్షణీయమైన, వినోదాత్మకమైన వీడియో గేమ్లను కూడా స్వయంగా రూపొందించగల సామర్థ్యాన్ని పొందుతుందని ఎక్స్ఏఐ ఆశిస్తోంది.
గ్రోక్ చాట్బాట్ 2023లో అందుబాటులోకి వచ్చింది. ఇది చాట్జీపీటీ తరహాలో పనిచేస్తుంది. గ్రోక్ ప్రస్తుతం మ్యాథ్స్, కోడింగ్, అకడమిక్ పరీక్షలలోనూ మెరుగైన సమాధానాలను అందిస్తూ, ఎక్స్ ) ప్లాట్ఫామ్లో ఉన్న తాజా సమాచారాన్ని కూడా అందించే సామర్థ్యాన్ని కలిగి ఉంది.
వీడియో గేమ్లలో ఏఐ శిక్షణ ప్రణాళికతో, గ్రోక్ భవిష్యత్తులో సృజనాత్మకత, వినోదం, వినియోగదారుల అనుభవాలను మరింత మెరుగుపరచగలదని ఎక్స్ఏఐ నమ్ముతోంది. ఇది ఏఐని కేవలం సమాచారాన్ని అందించే సాధనం నుంచి, వినోద రంగంలో కీలక పాత్ర పోషించే స్థాయికి తీసుకువెళ్లే ఒక ముందడుగుగా పరిగణించవచ్చు.