రాహుల్ గాంధీపై బీజేపీ వెటకారం ఇలా ఉంది!

బీహార్ అసెంబ్లీ ఎన్నికల్లో ఎన్డీయే కూటమి నిర్ణయాత్మక విజయం దిశగా దూసుకుపోతున్న నేపథ్యంలో.. కాంగ్రెస్ పార్టీ అగ్రనేత రాహుల్ గాంధీపై బీజేపీ తన దాడిని తీవ్రతరం చేసింది. ఇందులో భాగంగా... గత రెండు దశాబ్దాలలో రాహుల్ గాంధీ 95 ఎన్నికల ఓటములను చూపించే మ్యాప్ సోషల్ మీడియాలో పోస్ట్ చేసింది. ఇది కాస్తా వైరల్ గా మారుతోంది!

బీజేపీ ఐటీ సెల్ అమిత్ మాల్వియా ఈ మేరకు 2004 నుండి 2025 వరకు జరిగిన ఎన్నికల వివరాలను గ్రాఫిక్ పోస్ట్ చేశారు. అందులో రాహుల్ గాంధీ నేతృత్వంలోని కాంగ్రెస్ రాష్ట్ర అధికారాన్ని కోల్పోయిన విషయాలను పొందుపరిచారు! "రాహుల్ గాంధీ! మరో ఎన్నిక, మరో ఓటమి!” అని మాల్వియా రాశారు.

కాగా... తాజా అప్ డేట్స్ ప్రకారం ఎన్డీయే కూటమిలో బీజేపీ 84, జెడి(యు) 76, చిరాగ్ పాశ్వాన్ కు చెందిన లోక్ జనశక్తి పార్టీ (రామ్ విలాస్) 23, జితన్ రామ్ మాంఝీకి చెందిన హిందుస్తానీ అవామ్ మోర్చా 4, ఉపేంద్ర కుష్వాహాకు చెందిన రాష్ట్రీయ లోక్ మోర్చా ఒక స్థానంలో ఆధిక్యంలో ఉన్నాయి.

మరోవైపు.. ప్రతిపక్ష మహాఘఠ్ బంధన్ 49 స్థానాల్లో ముందంజలో ఉంది. ఇందులో.. ఆర్జేడీ 34, కాంగ్రెస్ 6, సీపీఐ(ఎంఎల్)(ఎల్) 6, సీపీఎం ఒక స్థానంలో ముందంజలో ఉన్నాయి.