ఐఎస్‌ఎస్‌ మెరవడం.. శుభాంశుకు ఢిల్లీ వాసులు ‘హాయ్‌’ చెప్పడం..

భారత అంతరిక్ష రంగంలో తాజాగా మరో గర్వకారణమైన ఘట్టం ఆవిష్కృతమైంది. మన దేశపు వ్యోమగామి శుభాంశు శుక్లా ఇటీవలే అంతర్జాతీయ అంతరిక్ష కేంద్రం ( ISS)లో ప్రవేశించిన విషయం తెలిసిందే. ప్రస్తుతం ఐఎస్‌ఎస్‌లో కీలక పరిశోధనల్లో పాల్గొంటున్న శుభాంశుకు తాజాగా భారత రాజధాని న్యూఢిల్లీ ప్రజలు భూమిపై నుంచే 'హాయ్‌' చెప్పారు.

- గగనతలంపై మెరిసిన ఐఎస్‌ఎస్‌.. అరుదైన దృశ్యం

జూలై 7 అర్ధరాత్రి తర్వాత నిశీధిలో మిలమిలా మెరిసే ఓ వస్తువు దిల్లీ గగనతలాన్ని చీల్చుకుంటూ ప్రయాణించింది. అదే అంతర్జాతీయ అంతరిక్ష కేంద్రం. వందల కిలోమీటర్ల ఎత్తులో తిరిగే ఈ కృత్రిమ ఉపగ్రహాన్ని ఆ రాత్రి స్పష్టంగా చూసిన పలువురు ఫొటోలు, వీడియోలు తీసి సోషల్ మీడియాలో పోస్టు చేస్తూ వాటిని మన శుభాంశుకు అంకితంగా ‘హాయ్ శుభాంశు!’ అంటూ పంచుకున్నారు. ఈ అరుదైన దృశ్యాలు ప్రస్తుతం సోషల్ మీడియాలో వైరల్‌గా మారాయి.

- శాస్త్రవేత్తల ప్రకారం...

భవిష్యత్‌లో కూడా ఐఎస్‌ఎస్‌ భారత గగనతలంపై అనేకసార్లు ప్రయాణించే అవకాశం ఉందని శాస్త్రవేత్తలు చెబుతున్నారు. అది రాత్రివేళ సూర్యకాంతిని ప్రతిబింబించినప్పుడు, భూమిపై ప్రజలకు స్పష్టంగా కనిపిస్తుంది. ఇది ఆకాశంలో చంద్రుడు, శుక్రుడు, అంగారకుడి వంటి గ్రహాల్లా మెరిసిపోతుంది. అయితే అది చాలా వేగంగా కదిలే కారణంగా కొన్ని నిమిషాలకే మన కంటికి కనిపించడం మాయమవుతుంది.

- అంతర్జాతీయ అంతరిక్ష కేంద్రం (ISS) విశేషాలు

ISS అనేది మానవ నిర్మిత, నివాసయోగ్య అంతరిక్ష కేంద్రం. ఇది భూమికి సగటున 400 కిలోమీటర్ల ఎత్తులో తిరుగుతుంది. భూమి చుట్టూ ఒక్కసారి తిరగడానికి 93 నిమిషాలు పడుతుంది. అంటే రోజుకు సుమారు 15.5 సార్లు భూమిని చుట్టేస్తుంది. అమెరికా, రష్యా, జపాన్, ఐరోపా, కెనడా దేశాలు కలిసి దీనిని నిర్వహిస్తున్నాయి. అనేక దేశాల శాస్త్రవేత్తలు ఇందులో మానవ శరీరంపై గరిష్ఠ ఆకాశ వాతావరణ ప్రభావాలు, జీవశాస్త్రం, పదార్థశాస్త్రం, భౌతికశాస్త్రం మొదలైన అంశాలపై పరిశోధనలు సాగిస్తుంటారు.

- శుభాంశు ప్రయాణం.. భారతీయ అంతరిక్ష చరిత్రలో కొత్త అధ్యాయం

జూన్ 25న, శుభాంశు శుక్లా ఐఎస్‌ఎస్‌కు చేరుకున్నారు. భారతీయ వ్యోమగామిగా అంతర్జాతీయ అంతరిక్ష కేంద్రంలో అడుగుపెట్టిన అరుదైన వ్యక్తిగా ఆయన చరిత్రలో నిలిచారు. ఆయన ప్రయాణం భారత అంతరిక్ష ప్రయాణాలలో కొత్త దిశగా, యువతలో స్పేస్‌ సైన్స్‌పై ఆసక్తిని కలిగించేలా మారింది.

ఈ సందర్భంగా దిల్లీ వాసుల హృదయపూర్వక అభినందనలు తెలిపారు. ఇటువంటి ఘట్టాలు భవిష్యత్‌లో మరిన్ని భారతీయ వ్యోమగాములకు ప్రేరణనిచ్చేలా ఉంటాయి. శుభాంశు శుక్లా ప్రయాణం.. మన గర్వకారణంగా చెప్పొచ్చు