Begin typing your search above and press return to search.

13 ఏళ్ల త‌ర్వాత ప‌వ‌న్ కెరీర్ లో 2025 స్పెష‌ల్!

జులైలో రిలీజ్ అయిన సినిమా అంచ‌నాలు అందుకోవ‌డంలో విఫ‌ల‌మైంది. ఇప్పుడా లెక్క స‌రి చేయ డానికి ఇదే ఏడాది సెప్టెంబ‌ర్ లో `ఓజీ`తో ప్రేక్ష‌కుల ముందుకు రాబోతున్నారు.

By:  Srikanth Kontham   |   13 Aug 2025 5:00 PM IST
13 ఏళ్ల  త‌ర్వాత ప‌వ‌న్ కెరీర్ లో 2025 స్పెష‌ల్!
X

ప‌వ‌ర్ స్టార్ ప‌వ‌న్ క‌ళ్యాణ్ 30 ఏళ్ల కెరీర్ లో చేసింది 30 సినిమాలే. అంటే ఏడాదికో సినిమా చొప్పున చేసు కుని వ‌చ్చిన‌ట్లు! అందులో చిరంజీవి - సాయి ధ‌ర‌మ్ తేజ్ సినిమాలను తీసేస్తే ఆ నెంబ‌ర్ కూడా ఉండ‌దు. ఏడాది చొప్పున డివైడ్ చేసుకుంటే? అందులో మ‌ళ్లీ వ్య‌త్యాసం క‌నిపిస్తుంది. మ‌రి ప‌వ‌న్ ఒకే ఏడాది రెండు సినిమాలు రిలీజ్ చేసిన సంద‌ర్భాలున్నాయా? అంటే ఓ ఐదు సంద‌ర్భాలు క‌నిపిస్తున్నాయి.

తొలి ప్ర‌య‌త్నం అలా:

1998 లో `సుస్వాగ‌తం`, `తొలి ప్రేమ` చిత్రాలు రిలీజ్ అయ్యాయి. న‌టుడిగా ప‌వ‌న్ కెరీర్ మొద‌లైన త‌ర్వాత ఒకే ఏడాది రెండు సినిమాలు రిలీజ్ చేయ‌డం అన్న‌ది అదే తొలిసారి. ఆ రెండు చిత్రాలు ప‌వ‌న్ కి ఎన‌లేని గుర్తింపును తీసుకొచ్చాయి. అత‌డి స్టార్ డ‌మ్ ని రెట్టింపు చేసిన చిత్రాల‌వి. అటుపై మ‌ళ్లీ రెండు సినిమాలు రిలీజ్ చేయ‌డానికి ఎనిమిదేళ్లు ప‌ట్టింది. 2006 లో మ‌ళ్లీ `బంగారం`, `అన్న‌వ‌రం` చిత్రాలు రిలీజ్ అయ్యా యి. ఈ రెండు యావ‌రేజ్ గా ఆడాయి. ఆ త‌ర్వాత ఐదేళ్ల త‌ర్వాత 2011 లో `తీన్ మార్`, `పంజా` చిత్రాలు ఒకే ఏడాదిలో రిలీజ్ అయ్యాయి.

గ‌బ్బ‌ర్ సింగ్ తో లెక్క స‌రి:

ఈ రెండు భారీ బ‌డ్జెట్ తో భారీ అంచ‌నాల మ‌ధ్య రిలీజ్ అయ్యాయి. కానీ వాటిని అందుకోవ‌డంలో విఫ‌ల మయ్యాయి. ఈ రెండు చిత్రాలు ఇండ‌స్ట్రీ రికార్డులు తిర‌గ‌రాస్తాయ‌ని ట్రేడ్ అంచ‌నా వేసింది. కానీ సాధ్యం కాలేదు. దీంతో ప‌వ‌న్ కూడా ఈ ప్లాప్ ల‌ను అంతే సీరియ‌స్ గా తీసుకు న్నారు. ఈనేప‌థ్యంలో ఏమాత్రం గ్యాప్ తీసుకోకుండా మ‌రుస‌టి ఏడాది 2012 లో నే రెండు సినిమాలు రిలీజ్ చేసారు. అవే `గబ్బ‌ర్ సింగ్`, `కెమెరా మ్యాన్ గంగతో రాంబాబు`. వీటిలో గ‌బ్బ‌ర్ సింగ్ బ్లాక్ బ‌స్ట‌ర్ అవ్వ‌గా రాంబాబు మాత్రం తడాఖా చూపించ‌లేక‌పోయాడు.

క‌లిసి రాని తొలి పాన్ ఇండియా:

కానీ `గ‌బ్బ‌ర్ సింగ్` స‌క్స‌స్ తో అన్ని ప్లాప్ లు ప‌టా పంచ‌ల్ అయ్యాయి. గ‌బ్బ‌ర్ సింగ్ విజ‌యంతో ప‌వ‌న్ రేంజ్ మ‌ళ్లీ తారా స్థాయికి చేరింది. మార్కెట్ కూడా రెట్టింపు అయింది. ఆ త‌ర్వాత మ‌ళ్లీ చాలా కాలం పాటు ఒకే ఏడాది రెండు రిలీజ్ ల జోలికి వెళ్ల‌లేదు. మ‌ళ్లీ 13 ఏళ్ల త‌ర్వాత 2025 లో `హ‌రిహ‌ర‌వీర‌మ‌ల్లు` తో ప్రేక్ష కుల ముందుకొచ్చారు. ప‌వ‌న్ కెరీర్ లో ఇదే తొలి పాన్ ఇండియా సినిమా. భారీ అంచ‌నాల మ‌ధ్య రిలీజ్ అయిన ఈ సినిమా ఎలాంటి ఫ‌లితాలు సాధించిందో తెలిసిందే.

ఓజీపైనే ఆశ‌ల‌న్నీ:

జులైలో రిలీజ్ అయిన సినిమా అంచ‌నాలు అందుకోవ‌డంలో విఫ‌ల‌మైంది. ఇప్పుడా లెక్క స‌రి చేయ డానికి ఇదే ఏడాది సెప్టెంబ‌ర్ లో `ఓజీ`తో ప్రేక్ష‌కుల ముందుకు రాబోతున్నారు. గ్యాంగ్ స్ట‌ర్ బ్యాక్ డ్రాప్ లో తెర‌కెక్కిన సినిమాపై అంచ‌నాలు భారీగా ఉన్నాయి. రిలీజ్ అయిన ప్ర‌చార చిత్రాలతో అంచ‌నాలు ఆకాశా న్నంటుతున్నాయి. ప‌వ‌న్ అభిమానులు కాల‌రెగ‌రేసే సినిమాగా `ఓజీ`ని భావిస్తున్నారు. మ‌రో సినిమా ఉస్తా భ‌గ‌త్ సింగ్ కూడా శ‌ర వేగంగా చిత్రీక‌రణ పూర్తి చేసుకుంటుంది. అన్ని అనుకున్న‌ట్లు జ‌రిగితే డిసెంబ‌ర్ లో డేట్ ఇచ్చినా ఆశ్చ‌ర్య‌పోవాల్సిన ప‌నిలేదు. ఆ ర‌కంగా 2025 ప‌వ‌న్ కెరీర్ లో మ‌రో స్పెష‌ల్ గా చెప్పొచ్చు.