తగ్గుతున్న OTT కంటెంట్ ..ఈ వారం కొత్త రిలీజ్‌లపై ఆశలు

గడచిన కొన్ని వారాలుగా ఓటీటీ ప్రియులకు సరైన వినోదం దొరకక కాస్త డల్ గా గడిచింది. పెద్దగా ఇంట్రెస్టింగ్ ఆప్షన్లు లేకపోవడంతో అందరూ బోర్ ఫీలయ్యారు. కానీ ఈ వారం మాత్రం ఓటీటీ లవర్స్ కి పండగే అని చెప్పాలి. దాదాపు 19కి పైగా కొత్త సినిమాలు, వెబ్ సిరీస్‌లు డిఫరెంట్ లాంగ్వేజెస్ లో స్ట్రీమింగ్‌కు రెడీ అయ్యాయి. ధనుష్ యాక్షన్ డ్రామా 'కర' నుంచి క్రేజీ హాలీవుడ్ సిరీస్‌ల వరకు ఈ వారం లిస్ట్ చాలా ఇంట్రెస్టింగ్‌గా ఉంది. ఆ వివరాలు మీకోసం.

నెట్‌ఫ్లిక్స్‌లో ఇంట్రెస్టింగ్ ఆప్షన్లు:

ఈ వారం నెట్‌ఫ్లిక్స్ అదిరిపోయే కంటెంట్‌తో వస్తోంది. మే 30 నుంచి ఆస్కార్ విన్నింగ్ పాత క్లాసిక్ లవ్ డ్రామా 'ది థియరీ ఆఫ్ ఎవ్రీథింగ్' ఇంగ్లీష్‌తో పాటు మల్టిపుల్ లాంగ్వేజెస్‌లో రానుంది. అలాగే టెన్నిస్ లెజెండ్ రాఫెల్ నాదల్ లైఫ్ జర్నీ ఆధారంగా వస్తున్న స్పోర్ట్స్ సిరీస్ 'రాఫా' మే 29 నుంచి స్ట్రీమింగ్ అవుతుంది. వీటితో పాటు ధనుష్ 'కర' (తెలుగు డబ్బింగ్) మే 28న, 'ఏ గుడ్ గర్ల్స్ గైడ్ టు మర్డర్ సీజన్ 2' మే 27న రాబోతున్నాయి.

ప్రైమ్ వీడియో.. హాట్‌స్టార్ సందడి:

అమెజాన్ ప్రైమ్ వీడియోలో నికోలస్ కేజ్ లీడ్ రోల్‌లో నటించిన సైన్స్ ఫిక్షన్ సిరీస్ 'స్పైడర్ - నోయిర్' మే 28 నుంచి (కొన్ని చోట్ల మే 27) స్ట్రీమింగ్ కానుంది. అలాగే తెలుగు డబ్బింగ్ మూవీ 'లీడర్' మే 28న వస్తోంది. ఇక డిస్నీ ప్లస్ హాట్‌స్టార్‌లో టాలీవుడ్ కమెడియన్ సత్యా నటించిన 'జెట్లి' మే 25 నుంచే అందుబాటులోకి రాగా, మలయాళ ఫ్యామిలీ డ్రామా సిరీస్ 'కజిన్స్ అండ్ కల్యాణమ్స్' మే 29న రిలీజ్ కానుంది.

మిగతా ప్లాట్‌ఫామ్స్ లో వచ్చేవి ఇవే:

జీ5 లో కన్నడ డబ్బింగ్ మూవీ 'రూమ్ మేట్స్' మే 27న వస్తోంది. సన్ నెక్స్ట్‌లో తెలుగు డబ్బింగ్ సినిమా 'పేసెస్' మే 29న స్ట్రీమింగ్ కానుంది. ఇక యాపిల్ ప్లస్ టీవీలో 'ప్రొఫెలర్ వన్ నైట్ కోచ్', 'స్టార్ సిటీ' అనే ఇంగ్లీష్ కంటెంట్ మే 29న రిలీజ్ అవుతున్నాయి. ఇక లయన్స్ గేట్ ప్లేలో 'ద రేస్' అనే రోమేనియన్ మూవీ మే 29న అలరించడానికి సిద్ధంగా ఉంది.

ఐపీఎల్ ఫైనల్స్ తో డబుల్ ధమాకా:

కేవలం సినిమాలు, వెబ్ సిరీస్‌లే కాకుండా స్పోర్ట్స్ లవర్స్ కి కూడా ఈ వీకెండ్ పూనకాలే. మే 31న జరగబోయే గ్రాండ్ ఐపీఎల్ ఫైనల్ మ్యాచ్ కోసం బెంగళూరు, గుజరాత్, హైదరాబాద్, రాజస్థాన్ లాంటి టాప్ టీమ్స్ పోటీ పడుతున్నాయి. ఇక సినిమాలతో పాటు ఈ మ్యాచ్ కూడా తోడవ్వడంతో ఓటీటీ ఆడియన్స్‌కు ఈ శని, ఆదివారాలు ఫుల్ ఎంటర్‌టైన్‌మెంట్ గ్యారెంటీ.

గత కొన్ని వారాల డ్రైనెస్‌ను పోగొట్టడానికి ఈ వారం ఓటీటీ ప్లాట్‌ఫామ్స్ అన్నీ గట్టిగానే ప్లాన్ చేశాయి. అటు థ్రిల్లర్స్, ఇటు లవ్ స్టోరీలు, స్పోర్ట్స్ డ్రామాలతో పాటు ఐపీఎల్ ఫైనల్ కూడా ఉండటంతో ఈ వారం వినోదానికి ఎలాంటి కొరత లేదు. మరి మీ వీకెండ్ వాచ్ లిస్ట్‌లో ఏ సినిమా ఉందో ఇప్పుడే ఫిక్స్ చేసుకోండి.