ఈ ఏడాది నేరుగా నెట్‌ఫ్లిక్స్ లో సందడి చేయబోయే చిత్రాలివే!

సాధారణం గా వీకెండ్ వచ్చిందంటే చాలు.. రిమోట్ పట్టుకుని నెట్‌ఫ్లిక్స్‌లో ఏం కొత్తగా ఉన్నాయని వెతికే వారే ఎక్కువ. అలాంటి వారికీ ఇది నిజంగా శుభవార్తే. 2026 సంవత్సరానికి గానూ నెట్‌ఫ్లిక్స్ తన భారీ లైనప్‌ను ప్రకటించేసింది. బాలీవుడ్ నుంచి మన టాలీవుడ్ వరకు, ఇంటెన్స్ థ్రిల్లర్స్ నుంచి మనసుని టచ్ చేసే లవ్ స్టోరీల వరకు అన్నీ సిద్ధంగా ఉన్నాయి. మన తెలుగు నుంచి వస్తున్న 'తక్షకుడు' వంటి సినిమాలు, హిందీలో వస్తున్న 'మిస్ మ్యాచ్డ్ 4' వంటి సిరీస్‌లు ఈ ఏడాది స్ట్రీమింగ్ వరల్డ్‌లో రచ్చ చేయబోతున్నాయి. మరి ఆ సినిమాల వివరాలు చూద్దాం..

బాలీవుడ్ బాక్సాఫీస్ నుంచి మీ స్క్రీన్ల వరకు.. క్రేజీ హిందీ లైనప్:

హిందీలో ఈసారి కంటెంట్ మామూలుగా లేదు. రాహుల్ ధోలాకియా దర్శకత్వంలో 'గాంధారి' సినిమాతో తాప్సీ పన్ను పవర్ ఫుల్ యాక్షన్ చూపించబోతుంటే, 'ఇక్కా' మూవీలో టబు తన నటనతో మనల్ని ఆశ్చర్యపరచనుంది. కార్తీక్ ఆర్యన్ నటించిన 'టోస్టర్' ఒక ఫన్ ఎంటర్టైనర్ కాబోతుంటే, నానా పటేకర్ నటించిన 'హమ్ హిందుస్థానీ' దేశభక్తిని గుర్తుచేయనుంది. వెబ్ సిరీస్‌ల విషయానికొస్తే.. అందరూ ఎదురుచూస్తున్న 'మిస్ మ్యాచ్డ్ సీజన్ 4'లో ప్రాజక్తా కోహ్లీ, రోహిత్ సురేష్ లవ్ స్టోరీ మళ్ళీ మొదలవుతోంది. ఇక వీటితో పాటు 'మామ్లా లీగల్ హై సీజన్ 2'లో రవికిషన్ మళ్ళీ నవ్వులు పూయించడానికి రెడీ అయిపోయారు. 'లస్ట్ స్టోరీ వాల్యూమ్ 3' కూడా ఈ ఏడాది మరింత ఇంటెన్స్ డ్రామాతో మన ముందుకు రాబోతోంది.

తెలుగు, తమిళ సినిమాలతో నెట్‌ఫ్లిక్స్ హంగామా:

ఈ ఏడాది మన సౌత్ సినిమాలపై నెట్‌ఫ్లిక్స్ ప్రత్యేక దృష్టి పెట్టింది. ముఖ్యంగా తెలుగులో వస్తున్న తక్షకుడు సినిమాపై భారీ అంచనాలు ఉన్నాయి. ఒక ఇంటెన్స్ యాక్షన్ డ్రామాగా దీనిని రూపొందిస్తున్నారు. అలాగే కాన్సెప్ట్ ఓరియెంటెడ్ కథలను ఇష్టపడే వారి కోసం సూపర్ సుబ్బు అనే సిరీస్ కూడా రాబోతోంది.ఇక తమిళంలో మేడ్ ఇన్ కొరియా అనే వైవిధ్యమైన టైటిల్‌తో ఒక సినిమా సిద్ధమవుతోంది, దీనికి అనిల్ రావిపూడి వంటి వారు సలహాదారులుగా ఉన్నట్లు సమాచారం. ఇక యూత్ కోసం #లవ్ మరియు గ్యాంగ్‌స్టర్ డ్రామా ఇష్టపడే వారి కోసం లెగసీ అనే సిరీస్‌లు సిద్ధంగా ఉన్నాయి. ఇవన్నీ కూడా 2026 ద్వితీయార్థంలో ఒక్కొక్కటిగా విడుదల కానున్నాయి.

ఏ వికెండ్ మిస్ అవ్వకుండా ఇప్పుడే ప్లాన్ చేసుకోండి:

మొత్తానికి 2026లో నెట్‌ఫ్లిక్స్ తన సబ్‌స్క్రైబర్లకు బోర్ కొట్టే ఛాన్స్ అస్సలు ఇవ్వడం లేదు. ప్రతి నెల ఏదో ఒక పెద్ద సినిమా లేదా అదిరిపోయే వెబ్ సిరీస్ స్ట్రీమింగ్ కాబోతోంది. కొత్త ఏడాదిలో కొత్త కథలతో మనల్ని అలరించేందుకు సిద్ధమవుతున్న ఈ సినిమాలన్నీ బాక్సాఫీస్ వద్దే కాదు, డిజిటల్ స్క్రీన్ల మీద కూడా రికార్డులు సృష్టిస్తాయని మేకర్స్ నమ్ముతున్నారు. మరి మీకు బాగా నచ్చిన స్టార్ మూవీ ఇందులో ఏది? మీ వాచ్ లిస్ట్‌ను ఇప్పుడే రెడీ చేసుకోండి.