Bigg Boss Telugu 10: పదవ వారం ఎలిమినేషన్‌పై ఉత్కంఠ.. డబుల్ ఎలిమినేషన్ గండంలో ఉన్నదెవరు?

బిగ్‌బాస్ తెలుగు సీజన్ 10 ప్రస్తుతం అత్యంత కీలకమైన మరియు ఉత్కంఠభరితమైన పదవ వారపు ఎలిమినేషన్ దశకు చేరుకుంది. ఇప్పటికే తొమ్మిదో వారంలో దీపావళి కానుకగా 'నో ఎలిమినేషన్' ప్రకటించడంతో కంటెస్టెంట్లందరూ ఊపిరి పీల్చుకున్నారు. కానీ, ఇప్పుడు పదవ వారంలో మాత్రం కచ్చితంగా డబుల్ ఎలిమినేషన్ ఉండే అవకాశం ఉందనే వార్తలు హౌస్‌లో టెన్షన్ పెంచుతున్నాయి.

గ్రాండ్ ఫినాలే సమీపిస్తున్న తరుణంలో హౌస్‌లో ఇంకా చాలా మంది కంటెస్టెంట్లు మిగిలి ఉండటంతో, రాబోయే వారాల్లో ఇలాంటి డబుల్ ఎలిమినేషన్‌లు తప్పవని విశ్లేషకులు భావిస్తున్నారు. ఈ పదవ వారంలో కెప్టెన్ వంశీ మినహా హౌస్‌లో ఉన్న మిగతా అందరూ నామినేషన్ బరిలో నిలిచారు. ఓటింగ్ పరంగా ముఖేష్ గౌడ మొదటి స్థానంలో దూసుకుపోతున్నారు. గతంలో ఎలిమినేట్ అయిన రోహిత్ అభిమానుల ఓట్లు కూడా ముఖేష్‌కే పడుతుండటంతో ఆయన గ్రాఫ్ మరింత పెరిగింది. ఆయన తర్వాతి స్థానంలో బలమైన కంటెస్టెంట్‌గా త్రిగుణ్ నిలకడైన ఓట్లతో రెండో స్థానంలో కొనసాగుతున్నారు.

అలాగే నరేష్, అమన్, శివకుమార్ వంటి వారు కూడా మంచి ఓట్లతో సేఫ్ జోన్ వైపు పయనిస్తున్నారు. శ్వేత నాయుడు, సుధీర్, రామ్‌ప్రసాద్ మరియు రామకృష్ణ వంటి కంటెస్టెంట్లు మీడియం లెవెల్ ఓట్లను సాధిస్తూ కొద్దికొద్దిగా సేఫ్ అయ్యే ప్రయత్నం చేస్తున్నారు.

అధికారిక కాకపోయినా సోషల్ మీడియాలో జరుగుతున్న ప్రైవేట్ పోల్స్, అన్‌అఫీషియల్ ఓటింగ్ ట్రెండ్స్ ప్రకారం.. ఈ వారం కొద్దిగా వెనుకబడిన కంటెస్టెంట్ల జాబితాలో ఉన్నది నీతూ నటరాజ్, దెబ్జానీ, యాంకర్ వర్షిణి, రామకృష్ణ మరియు శ్వేత నాయుడు‌. ఈ వారం కచ్చితంగా డబుల్ ఎలిమినేషన్ కనుక జరిగితే.. ఈ ఐదుగురిలో ఇద్దరు కంటెస్టెంట్లు హౌస్ నుంచి వెనుదిరిగే అవకాశాలు ఎక్కువగా కనిపిస్తున్నాయి.

అయితే చివరి నిమిషంలో మారే సమీకరణాలు ఎవరిని కాపాడుతాయి అనేది ఆసక్తికరంగా మారనుంది.