Bigg Boss Telugu 10: హౌజ్ లోకి రీ-ఎంట్రీ ఇవ్వబోతున్న షాలిని

బిగ్‌బాస్ తెలుగు హౌస్‌లో నామినేషన్ల ప్రక్రియ రోజురోజుకీ శృతి మించుతోంది. ఆట ఆడే విధానం పక్కన పెట్టి, కంటెస్టెంట్లు వ్యక్తిగత విమర్శలు, ఎద్దేవా చేయడం, అనవసరమైన అరుపులతో హౌస్ వాతావరణాన్ని వేడెక్కిస్తున్నారు. ఈ కంటెస్టెంట్లు నిజంగానే బిగ్‌బాస్ విన్నర్లు అయ్యేలా ఉన్నారా లేక ఇలాగే ప్రవర్తిస్తే ప్రేక్షకులు ఎలా రిసీవ్ చేసుకుంటారు అనే విమర్శలు వ్యక్తమవుతున్నాయి.

ఎప్పటిలాగే ఈ వారం కూడా ఎక్కువ మంది హౌస్‌మేట్స్ రోహిత్‌ను టార్గెట్ చేస్తూ నామినేషన్లు ఫైల్ చేయగా, నామినేషన్ల ప్రక్రియ ముగిసిన తర్వాత బిగ్‌బాస్ ఆదేశాల మేరకు కెప్టెన్ రామ్‌ప్రసాద్ తన ప్రత్యేక అధికారాలను ఉపయోగించి అమన్‌ను నేరుగా నామినేట్ చేశాడు. దాదాపు హౌస్‌లోని టాప్ కంటెస్టెంట్లందరూ ఈసారి నామినేషన్ల బరిలో నిలవడం గమనార్హం కాగా, ఈ వారం ఎలిమినేషన్ కోసం దక్ష, వర్షిణి, రోహిత్, త్రిగుణ్, అమన్, శివకుమార్, టెంపర్ వంశీ, సుధీర్, నీతు, ఝాన్సీ, శ్వేత మరియు రామకృష్ణలతో కలిపి మొత్తం 12 మంది నామినేట్ అయ్యారు. ఇలా దాదాపు అందరూ నామినేషన్లలోకి రావడంతో ఈ వారం ఓటింగ్ సరళి ఎలా ఉండబోతుందనేది తీవ్ర ఉత్కంఠను రేకెత్తిస్తోంది.

మరోవైపు ఆరో వారం ఎలిమినేషన్‌లో భాగంగా బయటకు వెళ్లినట్లు అందరినీ నమ్మించి సీక్రెట్ రూమ్‌కు వెళ్లిన షాలిని, నామినేషన్ల ప్రక్రియ ముగియగానే హౌస్‌లోకి అడుగుపెట్టింది. బిగ్‌బాస్ త్రిగుణ్‌ను కన్ఫెషన్ రూమ్‌కు పిలిచి షాలినిని హౌస్‌లోకి తీసుకువచ్చే బాధ్యత అప్పగించగా, అందరికీ సర్ప్రైజ్ ఇస్తూ రోహిత్‌ను ఆటపట్టిస్తూ షాలిని హౌస్‌లోకి రీ-ఎంట్రీ ఇచ్చింది.

ఈ వారం సీక్రెట్ రూమ్ అడ్వాంటేజ్ కారణంగా నామినేషన్ల నుంచి పూర్తిగా సేఫ్ అయ్యింది. మొత్తానికి ఏడో వారంలో ఏకంగా 12 మంది నామినేషన్లలో ఉండటం, షాలిని హౌస్‌లోకి తిరిగి రావడంతో రాబోయే రోజుల్లో ఆట మరింత రసవత్తరంగా మారడం ఖాయం!