గొడవపై బీసీసీఐకి వివరణ ఇచ్చిన విరాట్ కోహ్లీ

ఎప్పుడూ అగ్రెసివ్ గా ఉండే టీమిండియా క్రికెటర్ విరాట్ కోహ్లీ ఈ మధ్యన ఐపీఎల్ లో రెచ్చిపోయారు. గత మ్యాచ్ లో హేళన చేసిన సీనియర్ క్రికెటర్ గౌతం గంభీర్ కు ఇచ్చిపడేశాడు. మే 1న లక్నో సూపర్ జెయింట్స్ vs రాయల్ ఛాలెంజర్స్ బెంగళూరు ఐపీఎల్ 2023 మ్యాచ్‌లో విరాట్ కోహ్లీ ప్రధాన ఆకర్షణగా నిలిచాడు. బ్యాటింగ్ గొప్పతనంలో అత్యుత్తమ ఫీల్డింగ్ ప్రయత్నాల్లో కోహ్లీ ఈ ఘనత సాధించలేదు. కేవలం దూకుడుగా ప్రత్యర్థులను హేళన చేయడంలో ముందున్నాడు. స్లెడ్జింగ్ చేస్తూ సీరియస్ గా వాదిస్తూ వివాదాస్పదంగా వ్యవహరించారు.

లక్నో ఆటగాళ్లు నవీన్-ఉల్-హక్, అమిత్ మిశ్రా , వారి మెంటర్ గౌతమ్ గంభీర్‌లతో కోహ్లీ దురుసుగా ప్రవర్తించాడు. ఇక్కడ కోహ్లి తప్పు అని చెప్పడానికి కాదు, కానీ అతను ఖచ్చితంగా ఈ వివాదంలో కేంద్రబిందువుగా ఉన్నాడు. లక్నోలోని ఎకానా స్టేడియంలో గొడవలు జరిగినప్పటి నుండి రకరకాల వార్తలు ప్రచారంలోకి వచ్చాయి. కొందరు కోహ్లీ తీరును సమర్థిస్తే.. మరికొందరు వ్యతిరేకించారు. రోజురోజుకు ఈ వివాదాలు కొత్త మలుపు తిరుగుతూనే ఉన్నాయి.

నవీన్-ఉల్-హక్ , గంభీర్‌లతో కోహ్లి మైదానంలో గొడవపడిన దాదాపు ఐదు రోజుల తర్వాత తాజాగా విరాట్ కోహ్లీ గొడవకు గల కారణాలపై పరిస్థితిని వివరిస్తూ కొంతమంది బీసీసీఐ అధికారులకు లేఖ రాసినట్లు ఇప్పుడు వెలుగులోకి వచ్చింది. కోహ్లి 100% మ్యాచ్ ఫీజును బీసీసీఐ కోత విధించింది. బిసిసిఐ నుండి అలాంటి శిక్ష విధించే పోరాటంలో తాను నవీన్-ఉల్-హక్ లేదా గంభీర్‌తో ఏమీ చెప్పలేదని కోహ్లీ చెప్పాడు.

మ్యాచ్ రిఫరీలు , మైదానంలోని అంపైర్లు లెవల్ 2 నేరంగా భావించి, ఐపీఎల్ కోడ్ ఆఫ్ కాడక్ట్ ఆర్టికల్ 2.21ని ఉల్లంఘించినందుకు, కోహ్లి , గంభీర్ ఇద్దరూ తమ మ్యాచ్ ఫీజులో 100% జరిమానా విధించారు.

అయితే, తన ప్రవర్తనకు అలాంటి జరిమానా విధించాలని కోహ్లి భావించడం లేదు, అది అతనికి దాదాపు ₹1.25 కోట్ల వరకు నష్టం. మైదానంలోని నేరాలకు సంబంధించి తమ ఆటగాళ్ల జీతాల నుండి మ్యాచ్ ఫీజును మినహాయించకూడదనే విధానాన్ని ఆర్సీబీని కలిగి ఉన్నందున అతను జరిమానా చెల్లించడని సమాచారం.

నవీన్-ఉల్-హక్ , కైల్ మేయర్‌ల పట్ల కోహ్లి తన ప్రవర్తించడంతో విరుచుకుపడ్డాడని మాటల వాగ్వాదాలకు సాక్షులుగా ఉన్న ఆటగాళ్లు , అధికారులు తెలిపారు. ఎల్‌ఎస్‌జీ ఛేజింగ్ ముగిసే సమయానికి నవీన్‌తో కలిసి బ్యాటింగ్ చేస్తున్న అమిత్ మిశ్రా కూడా కోహ్లీ ప్రవర్తనపై అంపైర్లకు ఫిర్యాదు చేశాడు.