స్కూల్లో రేప్ చేయాలనిపించే అమ్మాయిలు వీరేనంటూ చాటింగ్

పద్ధతి చదువుకోవాల్సిన విద్యార్థులు పక్కదారి పట్టారు. నిండా ఇంటర్ కూడా కూడా పూర్తి కాని వారు తమ తోటి విద్యార్థినులపై అసభ్యంగా చాట్ చేశారు. విద్యార్థులు చేసుకున్న చాట్ బయటకు వచ్చి పెనుదుమారం చెలరేగింది. స్కూలు యాజమాన్యం, తల్లిదండ్రులు దీనిపై ఆగ్రహం వ్యక్తం చేశారు.

ఆస్ట్రేలియాలోని లాన్సెస్టన్ చర్చ్ గ్రామర్ స్కూల్లో ఈ దారుణం చోటుచేసుకుంది. ఈ గ్రూప్ చాట్ లో సుమారు 20మందికి పైగా విద్యార్థులు ఉన్నారు. వారిలో ఇద్దరు 12వ తరగతి విద్యార్థులు ‘మోస్ట్ రేపబుల్ గర్ల్స్’ జాబితాను తయారు చేశారు. ఆ గ్రూపులో ఉన్న కొందరు విద్యార్థులు ఈ విషయాన్ని టీచర్లకు స్క్రీన్ షాట్ల ద్వారా ఫిర్యాదు చేశారు.

ఈ సమాచారం స్కూలు యాజమాన్యానికి తెలియడంతో విద్యార్థులను గుర్తించి స్కూల్ నుంచి సస్పెండ్ చేశారు. ఇలాంటివి ఇకపై జరగకుండా జాగ్రత్త పడుతామని తెలిపారు. ఈ వార్త వైరల్ గా మారి సోషల్ మీడియాలో చర్చనీయాంశమైంది.

తమతోపాటు చదువుతున్న అమ్మాయిలపై గౌరవం లేకుండా అలాంటి కోరికలు వ్యక్తం చేసిన విద్యార్థులపై కఠిన చర్యలు తీసుకోవాలని ప్రజల నుంచి డిమాండ్ వ్యక్తమైంది. ఆ స్కూల్లో చదువుతున్న అమ్మాయిల తల్లిదండ్రులతోపాటు 12వేల మంది సంతకాలతో తాజాగా కోర్టులో పిటీషన్ దాఖలు చేశారు. ఆ విద్యార్థులను స్కూల్లో అడుగు పెట్టనివ్వవద్దని కోరారు.