వరసగా లాటరీలు తగిలాయి... ఆరోసారి గెలుచుకున్న లాటరీతో జీవితమే మారిపోయింది.

లాటరీ గెలుచుకోవాలని.. ఆ డబ్బుతో కోటిశ్వరులు కావాలని చాలా మంది కలలు కంటారు. మనదేశంలో లాటరీలు నిషేధం కాబట్టి మనకు కలలు కనే స్వేచ్ఛ కూడా లేదు. అయితే చాలా దేశాల్లో లాటరీ కొనుగోలు చేయడం నేరం కాదు. చట్టబద్దం. ఈ లాటరీలో కోసం చాలామంది వెయిట్​ చేస్తూ ఉంటారు. లాటరీలో కొనేసి లక్కీ డ్రా రోజు కోసం వేయి కళ్లతో ఎదురుచూస్తుంటారు. ఎవరో కోటిలో ఒకడికి ఆ అదృష్టం పట్టుకుంటుంది.

అయితే అమెరికాకు చెందిన ఓ వ్యక్తి మాత్రం ఆరు సార్లు లాటరీ గెలుచుకున్నాడు. దీంతో అతడి లైఫ్​ మారిపోయింది. ఐడాహో రాష్ట్రానికి చెందిన బ్రియాన్ మోస్ అనే వ్యక్తి ఇప్పటివరకూ ఐదు సార్లు లాటరీలో గెలిచి కొంత మొత్తంలో డబ్బులు గెలుచుకున్నాడు. ఇటీవల మాత్రం మోస్​కు మళ్లీ అదృష్టం పట్టింది. మునుపెన్నడూ లేని విధంగా రూ. 182 కోట్లు (మన కరెన్సీలో) గెలుచుకున్నాడు. అయితే ఆ డబ్బుతో బ్రియాన్​ మోస్​ ఎంజాయ్​ చేయడం లేదు. ఈ డబ్బును సామాజిక సేవా కార్యక్రమాలకు వెచ్చిస్తున్నాడు.

తన రాష్ట్రంలో పేద విద్యార్థులకు చదువు చెప్పిస్తున్నాడు.ప్రభుత్వ బడులు అభివృద్ధి చేయిస్తున్నాడు. తాను లాటరీలో పాల్గొనేది కేవలం పేదల బాగు కోసమే అని మోస్​ చెబుతూ ఉంటాడు. మామూలుగా ఎవరికైనా లాటరీ దొరికితే ఎంజాయ్​ చేస్తారు. కానీ మోస్​ మాత్రం ఇలా సేవా కార్యక్రమాలకు వెచ్చించడం పట్ల చాలా మంది అతడిని ప్రశంసిస్తున్నారు.