‘బాబ్రీ’ తీర్పును సవాలు చేస్తూ మళ్లీ పిటిషన్​..

బాబ్రీ మసీద్​ కూల్చివేత ఘటనలో బీజేపీ నేతలు ఎల్​కే ఆద్వానీ, మురళి మనోహర్​ జోషి, ఉమాభారతితో సహా మొత్తం 32 మందికి ఏ సంబంధం లేదని.. వాళ్లు కూల్చివేతకు ప్రేరేపించారనడానికి ఏ ఆధారాలు లేవని సీబీఐ హై కోర్టు తీర్పునిచ్చిన విషయం తెలిసిందే. అయితే ఈ తీర్పును సవాలు చూస్తూ అయోధ్యకు చెందిన కొందరు ప్రస్తుతం అలహాబాద్​ కోర్టును ఆశ్రయించారు. ఈ పిటిషన్​ ఇప్పుడు దేశవ్యాప్తంగా సంచలనంగా మారింది.

ఆల్ ఇండియా ముస్లిం పర్సనల్ లా బోర్డు తరపున హాజీ మహబూబ్, హాజీ సయ్యద్ అఖ్లాక్ అహ్మద్ లక్నో బెంచ్‌లో పిటిషన్ దాఖలు చేశారు. దాదాపు 28 సంవత్సరాల క్రితం బాబ్రీ మసీద్​ను కర సేవకులు (ఆర్​ఎస్​ఎస్​ కార్యకర్తలు) కూల్చివేశారు. తదనంతరం దేశవ్యాప్తంగా అనేక అల్లర్లు సాగాయి. అయితే ఈ ఘటనపై ఎన్నో ప్రభుత్వాలు స్పందించాయి. శ్రీకృష్ణకమిటీ ఓ నివేదికను సమర్పించింది. అయితే ఎల్​కే అద్వానీ, మురళి మనోహర్​ జోషి సహా కొందరు బీజేపీ సీనియర్​ నేతలు బాబ్రీ మసీద్​ కూల్చివేతను ప్రోత్సహించారన్న ఆరోపణలు వచ్చాయి. ఈ నేపథ్యంలో సీబీఐ దర్యాప్తు చేసింది. అయితే ఈ కూల్చివేతకు బీజేపీ అగ్రనేతలు సహకరించారు అనడానికి బలమైన ఆధారాలు లేకపోవడంతో కోర్టు వారిని నిర్దోషులుగా ప్రకటించింది. అయితే బాబ్రి మసీద్​ నిర్మాణంపై భిన్న వాదనలు ఉన్నాయి.

హిందువులు రాముడి జన్మస్థలంగా భావించే అయోధ్యలో ఈ కట్టడం ఉండం వివాదానికి కారణమైంది. ఇక్కడ హిందూ దేవాలయం ఉండేదని.. ముస్లిం రాజు బాబర్​ దాన్ని కూల్చివేసి అక్కడ మసీద్​ నిర్మాణం చేపట్టాడని ప్రజలు, ఆర్​ఎస్​ఎస్​ కార్యకర్తలు ఇప్పటికీ నమ్ముతుంటారు. ఈ నేపథ్యంలో లక్షలమంది ఆర్​ఎస్​ఎస్​ కార్యకర్తలు అయోధ్యకు చేరుకొని అక్కడి మసీద్​ను నేలమట్టం చేశారు.

దీంతో అప్పట్లో పెద్ద ఎత్తున ఆందోళనలు సాగాయి. ఈ ఘటనపై సీబీఐ విచారణ చేపట్టింది. ఈ విషయంపై సీబీఐ ప్రత్యేక కోర్టు 2,300 పేజీల తీర్పు వెలువరించింది. అయితే అయోధ్యలో బాబ్రీ మసీద్​ను కూల్చివేసేందుకు కుట్ర జరిగినట్టు ఆధారాలు లేవని నిందితులను వదిలేశారు. కోర్టు తీర్పును హిందువులు స్వాగతించగా, ముస్లింలు అసంతృప్తి వ్యక్తం చేశారు. ఈ నేపథ్యంలో తాజాగా మరో ఇద్దరు కోర్టును ఆశ్రయించారు.