ప‌వ‌న్ ట్విట్ట‌ర్ అకౌంట్ హ్యాక్‌

జనసేన అధ్యక్షుడు, ప‌వ‌ర్ స్టార్ పవన్ కళ్యాణ్ ట్విట్టర్ అకౌంట్ హ్యాక్ అయింది. గుర్తు తెలియని వ్యక్తులు ప‌వ‌ర్ స్టార్ అకౌంట్ బ్లాక్ చేశారు. దీంతో పవన్ కళ్యాణ్ ట్విట్టర్ అకౌంట్ మూడు రోజులుగా పని చేయడం లేదు. పవన్ ట్విట్టర్ అకౌంట్ హ్యాక్ అవడంతో జనసేన వర్గాల్లో ఆందోళన నెల‌కొంది.

ప్ర‌పంచ‌వ్యాప్తంగా క‌ల‌క‌లం రేకెత్తిస్తున్న వాన్నాక్రై రాన్స‌మ్ వేర్ వ‌ల్ల జ‌న‌సేనాని అకౌంట్ హ్యాక్ అయిందా లేదా మ‌రే రూపంలో అయిన హ్యాక్ అయి ఉంటుందా అని నిపుణులు అధ్య‌య‌నం చేస్తున్నారు. నిపుణుల‌తో అధ్య‌య‌నం చేయించిన అనంత‌రం తిరిగి అకౌంట్‌ను పున‌రుద్ధ‌రిస్తామ‌ని జ‌న‌సేన వ‌ర్గాలు అంటున్నాయి. కాగా అకౌంట్ హ్యాక్ అయిన విష‌యాన్ని అధికారికంగా జ‌న‌సేన ధ్రువీక‌రించింది. ``జ‌న‌సేన అధ్య‌క్షుడు ప‌వ‌న్ క‌ళ్యాణ్ బ్లాక్ అయింది. బ‌హుశ అకౌంట్ హ్యాక్ అయి ఉంటుంది. నిపుణుల‌తో ప‌రిశీలిస్తున్నాం. త‌గు కార‌ణాలు తేలిన అనంత‌రం అకౌంట్ పున‌రుద్ధ‌రించి స‌రైన చ‌ర్య‌లు తీసుకుంటాం`` అని జ‌న‌సేన తెలిపింది.

Like Us on Facebook : https://www.facebook.com/Tupakidotcom/