అమరావతి శంకుస్థాన ముహుర్తం పెట్టేశారు

ఏపీ సర్కారు ప్రతిష్ఠాత్మకంగా చేపట్టాలని భావిస్తున్న ఏపీ రాజధాని అమరావతి నగర శంకుస్థాపనకు ముహుర్తం నిర్ణయించారు. దసరా పర్వదినాన శంకుస్థాపన కార్యక్రమాన్ని అంగరంగ వైభవంగా నిర్వహించాలని భావిస్తున్న సంగతి తెలిసిందే.

శంకుస్థాపన ఎక్కడ చేయాలన్న అంశంపై భిన్నాభిప్రాయాలు వ్యక్తమైనప్పటికి.. తాజాగా ఈ అంశంపై నిర్ణయం తీసుకున్నట్లు తెలుస్తోంది. భూమిపూజ చేపట్టిన ప్రాంతంలోనే శంకుస్థాపన కార్యక్రమం చేపట్టాలని ఏపీ సర్కారు నిర్ణయించినట్లు చెబుతున్నారు. మందడం.. ఉద్ధండరాయపాలెం మధ్యన అక్టోబరు 22 మధ్యాహ్నం 12.45 గంటల ప్రాంతంలో శంకుస్థాపన కార్యక్రమం నిర్వహించాలని నిర్ణయించారు. ఈ కార్యక్రమానికి భారీ ఎత్తున ఏర్పాట్లు చేయాలని ఏపీ సర్కారు భావిస్తోంది. ఇప్పటివరకూ శంకుస్థాపన ముహుర్తం.. ఏ ప్రాంతం అన్న సందేహాలున్నప్పటికీ.. తాజాగా నిర్ణయం తీసుకోవటంతో పనులు చకచకా జరగటమే మిగిలిందని చెప్పొచ్చు.