ఆ మాంత్రికుడి ఇంట్లో వందలాది పుర్రెలు

రీల్ మాంత్రికుల్నిచాలా మందినే చూస్తుంటాం. రియల్ గానూ కొందరు మాంత్రికులు కనిపిస్తుంటారు. తాజాగా బయటకు వచ్చిన ఈ మాంత్రికుడి ఇప్పుడు సంచలనంగామారటమే కాదు..పలు సందేహాలకు తావిచ్చేలా మారింది. తమిళనాడులోని పెరంబలూరు ఎంఎం నగర్ లోని ఒక ఇంట్లో యువతిని నరబలి ఇచ్చి.. వరుస పూజలు జరుగుతున్నట్లుగా ప్రచారం జరుగుతోంది.ఇదే విషయాన్ని స్థానిక పోలీసుల చెవిన వేశారు.దీంతో.. పోలీసులు అలెర్ట్ అయి ఆఇంటిపై ఆకస్మికంగా దాడులు చేపట్టారు.

ఈ ఇంట్లో 31 ఏళ్ల కార్తికేయన్ అనే యువకుడు..అతడి భార్య (?) 26 ఏళ్ల నజీమా నివసిస్తున్నట్లుగా చెబుతున్నారు. అనుమానాస్పదంగా వ్యవహరిస్తున్న వీరి ఇంటిపై దాడి చేసిన పోలీసుల పుణ్యమా అని షాకింగ్ నిజాలు బయటకు వచ్చాయి. ఇంట్లోకి వెళ్లిన పోలీసులకు..ఒక గది నుంచి దుర్వాసన రావటంతో.. ఆ గదిలోకి వెళ్లి తనిఖీ చేయగా..ఒక కొయ్యి పెట్టెలో కుళ్లిన ఒక మహిళ శవం ఉండటంతో షాక్ తిన్నారు.

మరో గదిలో వందలాది పుర్రెలు.. ఎముకల్ని గుర్తించారు. వెంటనే కార్తికేయన్ ను.. అతడి భార్యగా చెబుతున్న నజీమాను అదుపులోకి తీసుకున్నారు. ఆత్మలతో మాట్లాడేందుకే తాను అఘోర పూజలు చేస్తున్నట్లుగా కార్తికేయన్ చెప్పటం గమనార్హం. రూ.5వేలకు చెన్నైలో మహిళ శవాన్ని కొన్నట్లుగా చెప్పటంతో పోలీసుల నోట మాట రాలేదు. అయితే.. నరబలి ఇచ్చేందుకే ఆ మహిళను వినియోగించి ఉంటారన్న సందేహాలు వ్యక్తమవుతున్నాయి. ఈ ఉదంతానికి సంబంధించిన మరిన్నివివరాలు బయటకు రావాల్సి ఉంది.

Like Us on Facebook : https://www.facebook.com/Tupakidotcom/