‘నీ ప్రైవేట్ పార్ట్​ ఫొటో పంపించవా’ అమ్మాయి మెసేజ్​.. కట్ ​చేస్తే రచ్చ రచ్చ..!

మ్యాట్రిమోని పేరిట మోసాలు కొత్తకాదు.. అయితే ఇటీవల కొత్తతరహా మోసాలు కూడా వెలుగుచూస్తున్నాయి. మ్యాట్రిమోని, డేటింగ్​ యాప్​ సైట్ల పేరిట కొందరు అమ్మాయిలు డబ్బున్న అబ్బాయిలకు గాలం వేస్తున్నారు. ఆ తర్వాత వాళ్లతో వీడియో కాల్స్​ చేసి .. రొమాంటిక్ గా​ మాట్లాడి రొంపిలోకి దింపుతున్నారు. వీడియో కాల్స్​ ను రికార్డ్​చేసి మోసాలకు పాల్పడుతున్నారు. కర్ణాటక లోని బెంగళూరులో ఇటువంటి ఘటన ఒకటి వెలుగు చూసింది.

‘అతడో బిజినెస్​ మ్యాన్​. కోట్ల ఆస్తి ఉంది. వయసు 33 ఏళ్లు. ఇటీవల పెళ్లిచేసుకోవాలనుకున్నాడు. ఇందుకోసం ఓ ప్రముఖ మ్యాట్రిమోని సైట్​లో తన ప్రొఫైల్​ను పెట్టాడు. ఆ ప్రొఫైల్​ చూసిన శ్రేయ అనే అమ్మాయి అతడిని ఇష్టపడింది. ఫొటో చూడగానే మనవాడికి కూడా అమ్మాయి తెగ నచ్చేసింది. దీంతో ఇద్దరూ ఫోన్​ నంబర్లు ఇచ్చిపుచ్చుకున్నారు. మనసు విప్పి మాట్లాడుకున్నారు. చాలా రోజులు అలాగే సాగుతూ వచ్చింది వీళ్ల వ్యవహారం. ఎటూ పెళ్లి కూడా చేసుకోవాలనుకున్నారు కాబట్టి మరింత బోల్డ్​ గా కబుర్లు చెప్పుకున్నారు.

వీళ్ల రొమాంటిక్​ సంభాషణ ఇలాగే కొనసాగుతుండగా.. ఓ రోజు ఆ అమ్మాయి చిలిపి కోరిక కోరింది. ‘నీ ప్రైవేట్​ పార్ట్​ చూడాలని నాకు కోరిగ్గా ఉంది’ అని తన మనసులోని మాటను చెప్పింది. ముందతడు తటపటాయించాడు. ఆ అమ్మాయి తన న్యూడ్​ పిక్​ ను సెండ్​ చేసింది. దీంతో టెంప్ట్​ అయిన మనోడు తన ప్రైవేట్​ పార్ట్​ ను పిక్​ తీసి పంపించాడు. ఖతం ఆ అమ్మాయి అసలు రంగు బయటపడింది. ‘నువ్వు పంపించిన పిక్​ నా దగ్గర సేవ్​ అయి ఉంది.. మన వీడియో కాల్​ సంభాషణ మొత్తం రికార్డు చేశాను. లక్ష రూపాయలు ఇచ్చావంటే సరేసరే లేదంటే ఈ పిక్స్​, వీడియోలు మొత్తం సోషల్ ​మీడియాలో పోస్ట్​ చేస్తాను’ అంటూ ఆ అమ్మాయి బెదిరించింది.

దీంతో అతడు షాక్​ గురయ్యాడు. తాను అంత ఇచ్చుకోలేనని తొలుత ఫోన్ పే ద్వారా రూ.5000 పంపాడు. ఆ తర్వాత మళ్లీ ఒత్తిడి చేయడంతో మరో రూ.5000 పంపి.. ఆమె నంబర్ బ్లాక్ చేశాడు. అయినా ఆ అమ్మాయి ఇతర నంబర్ల నుంచి కాల్ చేసి వేధిస్తుండటంతో మరో రూ.10,000 వేలు సెండ్ చేశాడు. ఇక వేధింపులు భరించలేక పోలీసులను ఆశ్రయించాడు. ప్రస్తుతం ఈ కిలేడి కోసం పోలీసులు గాలిస్తున్నారు.