క్లినికల్ ట్రయల్స్ లో కరోనా వ్యాక్సిన్ ...ఎంతవరకు సేఫ్ !

కరోనా వైరస్ .. చైనాలో వెలుగులోకి వచ్చిన ఈ వైరస్ , ఆ తరువాత ప్రపంచం మొత్తం వ్యాప్తి చెంది , అందరిని భయంతో వణికిపోయేలా చేస్తుంది. ఈ వైరస్ వెలుగులోకి వచ్చి 7 నెలలు దాటిపోతున్నా కూడా ఇప్పటికి ఈ కరోనాకి సరైన వ్యాక్సిన్ తయారుచేయలేదు. ఈ మహమ్మారికి వ్యాక్సిన్ ను కనిపెట్టడానికి అన్ని దేశాలు కూడా తీవ్రంగా శ్రమిస్తున్నాయి. జనవరి 10న చైనాలోని సైంటిస్టులు కరోనా వైరస్ పూర్తి జన్యు సంకేతానికి సంబంధించి సమాచారాన్ని ప్రకటించిన తరువాత వ్యాక్సిన్ కోసం ప్రయోగాలు మొదలైయ్యాయి. అయితే రోజులు గడుస్తున్నాయి కానీ, వ్యాక్సిన్ మాత్రం సిద్ధం కావడం లేదు.

అయితే , ఈ కరోనా తో పోరాడాలి అంటే రెండు డ్రగ్స్ కలిపి చికిత్స చేస్తేనే ఫలితం ఉంటుందని కొన్ని అధ్యయనాలు వెల్లడించాయి. అందులో యాంటీ వైరల్ డ్రగ్ remdesivir తక్కువ వ్యవధిలోనే వైరస్ ప్రభావం నుంచి కోలుకునేలా చేస్తుందని అధ్యయనాల్లో తేలింది. ఇక స్టెరాయిడ్ అని పిలిచే dexamethasone డ్రగ్ ద్వారా కూడా కరోనా మరణాలను తగ్గించగలదని చెప్తున్నాయి. కానీ, ఇప్పటివరకూ వ్యాక్సిన్ రేసులో సురక్షతమైన, సమర్థవంతమైన వ్యాక్సిన్ కనిపెట్టలేదు. ఇప్పటికే దాదాపు 180 మందిపై కొన్ని వ్యాక్సిన్ ట్రయల్స్‌ నిర్వహించగా.. జంతువులు, మనుషులపై కూడా ట్రయల్స్ జరుగుతున్నాయి. ఈ ఏడాది చివర్లో కరోనా కి వ్యాక్సిన్ వచ్చే అవకాశం ఉందని కొందరు అంచనా వేస్తున్నారు. ఆ తర్వాత ఆ వ్యాక్సిన్ యూఎస్. ఫుడ్, డ్రగ్ అడ్మినిస్ట్రేషన్ నుంచి కూడా ఆమోదం పొందాలి.

భద్రత, వ్యయంతో వ్యాక్సిన్ తయారీ వేగం పెరిగి తప్పుదోవ పట్టే అవకాశం లేకపోలేదని కొంతమంది నిపుణులు ఆందోళన చెందుతున్నారు. సాంప్రదాయకంగా, టీకాలు బలహీనమైన లేదా చంపేసిన వైరస్‌లు లేదా వైరస్ శకలాలు నుంచి తయారవుతాయి. కానీ పెద్ద మొత్తంలో వ్యాక్సిన్‌ను ఉత్పత్తి చేయడానికి సంవత్సరాలు పట్టవచ్చునని అంటున్నారు. ఎందుకంటే ఇలాంటి టీకాలు తప్పనిసరిగా కణాలలో రూపొందించాలి. శరీరంలోని కణాలపై కనిపించే పై కొన భాగాన్ని స్పైక్ ప్రోటీన్ అంటారు. ఇది వైరస్ మానవ కణాలలోకి ప్రవేశించడానికి అనుమతిస్తుంది. స్పైక్ ప్రోటీన్ వైరస్ వెలుపల ఉన్నందున, యాంటీబాడీలను గుర్తించడం కూడా సులభమైనదిగా పరిశోధకులు అంటున్నారు.

వ్యాక్సిన్ శరీరంలోకి పంపిన తర్వాత రోగనిరోధక వ్యవస్థ వైరస్ గుర్తించి కణాలలోకి రాకుండా నిరోధించే యాంటీబాడీస్ విడుదల చేస్తుంది. వ్యాప్తిని నివారించడం లేదా తీవ్రమైన అనారోగ్యాన్ని నివారించగలదు. ఈ విధానాన్ని ఉపయోగించి ఔషధ తయారీదారులు టీకాలు, క్లినికల్ ట్రయల్స్ విషయంలో స్పీడ్ రికార్డులు సృష్టించారు. మిల్కెన్ ఇన్స్టిట్యూట్ థింక్ ట్యాంక్‌లో భాగమైన ఫాస్టర్‌కూర్స్ 179 మందిని వ్యాక్సిన్ ట్రాక్ చేస్తోంది. దాదాపు 20 మందిపై ఇప్పటికే పరీక్షలు ప్రారంభించారు.ఇప్పుడు మూడవ దశ క్లినికల్ ట్రయల్స్ లో వ్యాక్సిన్లు ఉన్నాయి. ఏ వ్యక్తికైనా టీకాలు వేయడానికి 28 రోజులు పడుతుందని NIIID డైరెక్టర్ ఆంథోనీ ఫౌసీ చెప్పారు. ప్రజారోగ్య అధికారులు కూడా దుష్ప్రభావాలను నిశితంగా పరిశీలిస్తారు. వ్యాక్సిన్ ట్రయల్స్ దుష్ప్రభావాలు లేవని ఖచ్చితంగా చెప్పలేమని అంటున్నారు.