ఆంధ్ర లో కరోనా కల్లోలం !!

Sun Aug 09 2020 20:54:19 GMT+0530 (IST)

New Dangerous Disease Spreads in Andhra

ఆంధ్రప్రదేశ్లో కరోనా వైరస్ కేసులు భారీగా నమోదవుతున్నాయి. అలాగే రికార్డు స్థాయిలో మరణాలు సంభవిస్తున్నాయి. గత కొంత కాలంగా ప్రతి రోజూ 10 వేలకు పైగా కేసులు నమోదవుతున్నాయి. తాజాగా ఆదివారం రాష్ట్ర వైద్య ఆరోగ్య శాఖ విడుదల చేసిన బులిటెన్లో భారీగా కేసులు నమోదయ్యాయి. అలాగే 24 గంటల్లో రికార్డు స్థాయిలో 97 మంది మృతి చెందారు. గడిచిన 24 గంటల్లో 62912 మందికి కరోనా పరీక్షలు నిర్వహించగా ఏకంగా 10820 మందికి పాజిటివ్ అని తేలింది. దీంతో రాష్ట్రవ్యాప్తంగా మొత్తం కరోనా వైరస్ కేసుల సంఖ్య 227860కు చేరింది.



ఇక గడచిన 24 గంటల్లో ఏకంగా 97 మంది కరోనా బారినపడి మృతి చెందారు. దీంతో మొత్తం మరణాల సంఖ్య 2036కు పెరిగింది. ఇక కరోనా బారిన పడి గడిచిన 24 గంటల్లో గుంటూరు జిల్లాలో 12 మంది - ప్రకాశంలో 11 మంది - చిత్తూరులో 10 మంది - పశ్చిమ గోదావరిలో 10 మంది - అనంతపురంలో 8 మంది - కడపలో 8 మంది - శ్రీకాకుళంలో 8 మంది - కర్నూలులో ఏడుగురు - తూర్పు గోదావరిలో ఆరుగురు - విశాఖపట్నంలో ఆరుగురు - కృష్ణా నలుగురు - నెల్లూరులో నలుగరు - విజయనగరంలో ముగ్గురు మృత్యువాత పడ్డారు.

ఇక గడిచిన 24 గంటల్లో 9097 మంది కరోనా నుంచి కోలుకున్నారని ఆరోగ్య శాఖ తెలిపింది. దీంతో రాష్ట్రంలో నమోదైన మొత్తం 227860 పాజిటివ్ కేసులకు గాను 138712 మంది డిశ్చార్జి కాగా.. 87112 మంది వివిధ ఆస్పత్రుల్లో చికిత్స పొందుతున్నారు. ఇక తూర్పు గోదావరి జిల్లాలో అత్యధికంగా 31703 కరోనా పాజిటివ్ కేసులు నమోదయ్యాయి. అలాగే ఈ ఒక్క జిల్లాలోనే 224 మంది మృతి చెందారు.