జీహెచ్ఎంసీ : ముగిసిన నామినేషన్ల ప్రక్రియ ... మొత్తం ఎన్నంటే ?

Sat Nov 21 2020 15:20:48 GMT+0530 (IST)

GHMC: Nominations process closed

తెలంగాణ లో ఎన్నికల వేడి సెగలు పుట్టిస్తుంది. ఎన్నికల నోటిఫికేషన్ అలా వచ్చిందో లేదో.. హైదరాబాద్ లో రాజకీయాలు హీటెక్కాయి. గ్రేటర్ ఫైట్ ఆరంభంలోనే టీఆర్ ఎస్ బీజేపీ మధ్య మాటల యుద్ధం మొదలైంది. వరద సాయం ఆపారని టీఆర్ ఎస్.. ఆపాల్సిన అవసరం మాకేంటంటూ బీజేపీ విరుచుకుపడుతున్నాయి.హైదరాబాద్ గ్రేటర్ ఎలక్షన్ దుబ్బాక ఉపఎన్నికను తలపిస్తోంది. నామినేషన్లు కూడా పూర్తి కావడం తో ఇక  బీజేపీ టీఆరెస్ ఢీ అంటే ఢీ అంటున్నాయి. రెండు పార్టీల మధ్య మాటల తూటాలు పేలుతున్నాయి.



ఇదిలా ఉంటే నిన్న మధ్యాహ్నం 3 గంటల సమయానికి నామినేషన్ల ఘట్టం ముగిసింది. మొత్తం గ్రేటర్ పరిధిలో  1932 మంది అభ్యర్థులు 2602 నామినేషన్లు దాఖలు చేశారు. నామినేషన్ వేయడానికి చివరి రోజైన శుక్రవారం ఒక్కరోజే 1412 మంది అభ్యర్థులతో 1937 నామినేషన్లు దాఖలయ్యాయి. శుక్రవారం నామినేషన్లు దాఖలు చేసినవారిలో బీజేపీ నుంచి 571 మంది సీపీఐ నుంచి 21 సీపీఐ(ఎం) నుండి 22 కాంగ్రెస్ నుండి 372 ఎంఐఎం నుంచి 78 టీఆర్ ఎస్  నుంచి 557 మంది టీడీపీ నుండి 206 రికగనైజ్డ్ రిజిస్టర్డ్ పొలిటికల్ పార్టీల నుండి 115 మంది స్వతంత్రులు 650 మంది నామినేషన్లు దాఖలు చేశారు. ఈ క్రమంలో శనివారం నుంచి నామినేషన్ల పరిశీలన జరుగుతుంది. అతి ఎక్కువగా కూకట్ పల్లిలో 119 తక్కువగా బేగంపేటలో 39 దాఖలయ్యాయి.

మొత్తం వార్డుల్లో అత్యధికంగా గోషామహల్ నుంచి 36 నామినేషన్లు దాఖలవగా అత్యల్పంగా టోలిచౌకి నుంచి 3 నామినేషన్లు దాఖలయ్యాయి.

జీహెచ్ ఎం సీ లో మొత్తం వార్డులు: 150
అభ్యర్థులు: 1932
దాఖలైన నామినేషన్లు: 2602

పార్టీల వారీగా  చూస్తే :
బీజేపీ: 571
టీఆర్ఎస్: 557
కాంగ్రెస్: 372
టీడీపీ: 206
ఎంఐఎం: 78
సీపీఐ/సీపీఐ(ఎం): 22/21