Begin typing your search above and press return to search.
ఆ ఊర్లో దీపావళి నిషేధం.. కారణం ఏమిటంటే..?
By: Tupaki Desk | 31 Oct 2020 11:10 AM GMTదసరా, దీపావళి తెలుగు ప్రజలకు పెద్దపండగలు. బంధుమిత్రులతో ఎంతో సంతోషంగా ఈ పండుగలను జరుపుకుంటూ ఉంటారు. కరోనా కారణంగా ఈ ఏడాది కొంతమేర పండగ ఉత్సాహం తగ్గింది. అయినప్పటికీ చాలా చోట్ల దసరా పండగ ఘనంగా జరుపుకున్నారు. ఇప్పటికే దసరా పండగ ముగిసింది. నవంబర్ 14న దీపావళి జరుపుకోబోతున్నారు. రాష్ట్రవ్యాప్తంగా పెద్ద ఎత్తున దీపావళి వేడుకలు నిర్వహిస్తారు. ముఖ్యంగా వ్యాపారవర్గాలు ఈ పండగనాడు లక్ష్మీపూజలు నిర్వహించుకుంటారు. బాణాసంచా పేల్చడం, కొత్తబట్టలు ధరించడం నాలుగురోజుల పాటు ఈ పండగ జరుపుకుంటారు.
అయితే ఆంధ్రప్రదేశ్ రాష్ట్రం శ్రీకాకుళం జిల్లా రణస్థలి మండలం పున్నవపాలెంలో దీపావళి, నాగులచవితి నిషేధించారు. దాదాపు 200 ఏళ్లుగా అక్కడ ఈ రెండు పండగలు జరుపుకోరట. ఆ గ్రామంలో దీపావళి రోజున ఇంట్లో దీపాలు వెలగవు. ఒక్క టపాసు కూడా పేలదు. 200 ఏళ్ల క్రితం ఆ గ్రామంలో దీపావళి పండగ రోజు ఓ చిన్నారి పాముకాటుతో మృతిచెందిందట. నాగుల చవితి రోజున రెండు ఎద్దులు మరణించాయట. దీంతో ఆ గ్రామంలో ఈ రెండు పండగలు జరుపుకోవద్దని అప్పట్లో పెద్దలు నిర్ణయించారు. ఆ ఆచారాన్ని ఇప్పటికీ కొనసాగిస్తున్నారు. ఈ రెండు పండగలను అరిష్టంగా భావించి పెద్దలు ఈ నిర్ణయం తీసుకున్నారు. అప్పటి నుంచి ఈ రెండు పండగలు నిర్వహించుకోవడం లేదు. ప్రస్తుతం యువత దీపావళి వేడుకలు నిర్వహించాలని గ్రామపెద్దలపై ఒత్తిడి తెస్తున్నా, కట్టుబాట్లు మార్చేందుకు గ్రామపెద్దలు అంగీకరించడం లేదట.
అయితే ఆంధ్రప్రదేశ్ రాష్ట్రం శ్రీకాకుళం జిల్లా రణస్థలి మండలం పున్నవపాలెంలో దీపావళి, నాగులచవితి నిషేధించారు. దాదాపు 200 ఏళ్లుగా అక్కడ ఈ రెండు పండగలు జరుపుకోరట. ఆ గ్రామంలో దీపావళి రోజున ఇంట్లో దీపాలు వెలగవు. ఒక్క టపాసు కూడా పేలదు. 200 ఏళ్ల క్రితం ఆ గ్రామంలో దీపావళి పండగ రోజు ఓ చిన్నారి పాముకాటుతో మృతిచెందిందట. నాగుల చవితి రోజున రెండు ఎద్దులు మరణించాయట. దీంతో ఆ గ్రామంలో ఈ రెండు పండగలు జరుపుకోవద్దని అప్పట్లో పెద్దలు నిర్ణయించారు. ఆ ఆచారాన్ని ఇప్పటికీ కొనసాగిస్తున్నారు. ఈ రెండు పండగలను అరిష్టంగా భావించి పెద్దలు ఈ నిర్ణయం తీసుకున్నారు. అప్పటి నుంచి ఈ రెండు పండగలు నిర్వహించుకోవడం లేదు. ప్రస్తుతం యువత దీపావళి వేడుకలు నిర్వహించాలని గ్రామపెద్దలపై ఒత్తిడి తెస్తున్నా, కట్టుబాట్లు మార్చేందుకు గ్రామపెద్దలు అంగీకరించడం లేదట.