పంజాబ్ తో ఓటమి..భావోద్వేగానికి గురైన వార్నర్..అస్సలు ఊహించలేదు..

Sun Oct 25 2020 16:40:26 GMT+0530 (IST)

Defeat with Punjab ..Warner Emotional

కింగ్స్ ఎలెవన్ పంజాబ్తో శనివారం జరిగిన మ్యాచ్లో సన్రైజర్స్ హైదరాబాద్ 12 పరుగుల  తేడాతో ఓడిపోయిన విషయం తెలిసిందే. ఈ మ్యాచ్లో హైదరాబాద్ బౌలర్లు మెరుగైన ప్రదర్శన ఇచ్చినప్పటికీ.. బ్యాట్స్మెన్స్  తడబడ్డారు. ఆరంభంలో టీం కెప్టెన్ డేవిడ్ వార్నర్ బాగా ఆడాడు. ఫోర్లు సిక్సులు కొడుతూ స్కోర్ బోర్డును పరుగులు పెట్టించాడు. కానీ వార్నర్ అవుట్ కావడంతో టీం కష్టాల్లో పడింది. ఓ దశలో మనీశ్ పాండే కూడా బాగానే పరుగులు రాబట్టాడు. హైదరాబాద్ గెలుస్తుంది అనుకున్నారంతా.. కానీ వారి ఆశలు అడియాసలయ్యాయి. చివరకు 12 పరుగులతో మ్యాచ్ను ఓడిపోయారు. ప్లే ఆఫ్స్ సంక్లిష్టం చేసుకున్నారు.



 కాగా మ్యాచ్ ఓడిపోయిన అనంతరం వార్నర్ మాట్లాడుతూ.. ‘ఓడిపోవడం చాలా బాధగా అనిపిస్తున్నది. మా బౌలర్లు బాగా రాణించారు. కానీ మిడిలార్డర్ కొంతమెర పట్టుకోల్పోయింది. పంజాబ్ బౌలర్ల స్పిన్ మాయాజాలం బాగా పనిచేసింది. పంజాబ్ బౌలర్లు కొత్త బంతితో రెచ్చిపోయారు. ఏది ఏమైనా ముందుగు సాగాల్సిందే’ అంటూ వార్నర్ పేర్కొన్నాడు. ఇప్పటివరకు హైదరాబాద్ 11 మ్యాచ్లు ఆడింది .. 4 విజయాలు నమోదు చేసుకున్నది. 8 పాయింట్లతో ఆరోస్థానంలో నిలిచింది. పంజాబ్తో గత రాత్రి గెలవాల్సిన మ్యాచ్ చిన్నచిన్న పొరపాట్లతో ఓటమి పాలైంది. 127 పరుగుల స్వల్ప లక్ష్యాన్ని ఛేదించలేక చతికిల పడింది. అయితే ఇప్పుడిక హైదరాబాద్ జట్టుకు ప్లే ఆఫ్ అవకాశాలు చాలా తక్కువగా ఉన్నాయి.