సినిమా పేరు: నిర్ణయం

రేటింగ్‌: 2.75

నటీనటులు: రాణా విక్రమ్‌,రెజీనా, బేబీ వేదిక, శరణ్య తదితరులు

సంగీతం: వి.సెల్వ గణేష్‌

సినిమాటోగ్రఫీ:చిట్టిబాబు

నిర్మాతలు: కె.జోత్స్నరాణి, ఎం.లక్ష్మి, ఎం.సురేఖ

దర్శకుడు: ఎస్‌ఎస్‌ శరవణన్‌

    à°’కవైపు భారీ అంచనాల మీద విడుదల అయిన డబ్బింగ్‌బొమ్మ 'లింగ' హడావుడి కొనసాగుతుండగా.. థియేటర్లు అన్నీ రజనీ సినిమాతో నిండిపోగా.. ఇలాంటి వాతావరణంలో వచ్చిన మరో డబ్బింగ్‌ బొమ్మ'నిర్ణయం'. రజనీకాంత్‌ మానియాతో 'లింగ'కు భారీ ఓపెనింగ్స్‌ దక్కుతుండగా.. తన అభినయంతో ఆకట్టుకొంటున్న రెజీనా మీదే 'నిర్ణయం' ఓపెనింగ్స్‌ ఆశలన్నీ. మరి భారీ సినిమాను చూసి జడవక డబ్బింగ్‌ నిర్మాతలు విడుదల చేసిన  'నిర్ణయం' ఎలా ఉంది... à°ˆ సినిమాకు వెళ్లాలా వద్దా అన్న 'నిర్ణయం' తీసుకొవచ్చా అనే విషయాన్ని విశ్లేషిస్తే...

కథేంటి: ఇంట్లో వాళ్లు కాదన్నా ప్రేమించి పెళ్లి చేసుకొన్న జంట ముకుంద్‌(రాణా విక్రమ్‌), జెన్నీ(రెజీనా)లది. అనాథాశ్రమంలో పెరిగిన జెన్నీని బాగా చూసుకోవాలి... ఎలాంటి సౌకర్యాలు లేని చోటపెరిగిన ఆమెకు కొత్త లైఫ్‌ను చూపించాలనేది ముకుంద్‌ ఆరాటం. à°ˆ  ఆరాటంలో అతడు తన స్థాయికి మించిన అప్పులు చేస్తాడు. అలాంటి పరిస్థితులు వాళ్ల కుటుంబంలో ఎలాంటి కలతలు రేపాయి... పర్యవసనంగా వారి జీవితాలు ఎలాంటి  మలుపులు తిరిగాయి... అనేది మిగత à°•à°¥.

కథనం: ఇలాంటి కథాంశాలను చూశాకా తమిళ రచయితలు కచ్చితంగా అభినందనలకు అర్హులేననిపిస్తుంది. సినిమా కథలు రాసుకోవడానికి ఇంగ్లిష్‌ సినిమాల సీడీలను ఆశ్రయించుకొండా రియల్‌లైఫ్‌లోని కథాంశాలను తెచ్చుకొనే వారి ప్రతిభను చూసినప్పుడు కొంత ముచ్చటేస్తుంది. అయితే ట్రీట్‌మెంట్‌ విషయంలో మాత్రం వారు ట్రాజెడీల బాటను ఎన్నుకొనడమే అందరూ ఆమోదించలేని అంశం. అందులోనూ సుఖాంతాలను చూడటం అలవాటయిన తెలుగు ప్రేక్షకులను తమిళ రచయితలు అరుదుగా మాత్రమే అలరిస్తూ ఉంటారు. ప్రేమిస్తే.. జర్నీ.. వంటి ట్రాజెడీ ఎండింగ్‌ సినిమాలు తెలుగు సూపర్‌ హిట్‌ అయ్యాయనే విషయాన్ని ఇక్కడ  ప్రస్తావించుకోవాలి. మరి à°ˆ 'నిర్ణయం' కు à°† రెండు సినిమాల స్థాయి ఉందా.. అంటే కచ్చితంగా ఔనని చెప్పలేం. à°† సినిమాల్లో రొమాన్స్‌, కొంత లవ్లీ ఎంటర్‌టైన్‌మెంట్‌ను కథనంలో స్టిచ్‌ చేశారు. నిర్ణయంలో మాత్రం అలాంటివేమీ ఉండవు. దాదాపు వంద నిమిషాల్లో ముగిసే à°ˆ సినిమాలో విషాదాన్ని మోసుకు తిరిగే à°’à°• మనిషి కథను  మాత్రమే  చూపించారు. ఇందులో కొన్ని సన్నివేశాలు హార్ట్‌ను టచ్‌ చేస్తే.. మరికొన్ని తమిళ అతి అనిపిస్తాయి. ప్రత్యేకించి చెప్పాలంటే భార్యభర్తలు అయిన హీరోహీరోయిన్లు గొడవ పడుతుంటే వాళ్ల నాలుగైదేళ్ల పాప పడే ఆవేదన నిజంగానే కదిలిస్తుంది. తల్లిదండ్రుల తీరు పిల్లలపై ఎలాంటి ప్రభావాన్ని చూపిస్తుందనే అంశాన్ని దర్శకుడు  చాలా చక్కగా చూపాడు. అయితే కథలోని మలుపులు, కొన్ని పాత్రల ప్రవర్తన, క్లైమాక్స్‌.. à°ˆ మూడూ తమిళం నుంచి అనువాదమైన సినిమాను చూస్తున్నామనే విషయాన్ని గుర్తు చేస్తాయి.

నటీనటులు: à°ˆ క్యాటగిరిలో మొదట ప్రస్తావించుకోవాల్సింది బేబీ వేదికను. దర్శకుడు.. à°†  పాప పాత్రపై  à°Žà°‚à°¤ శ్రద్ద వహించాడో.. à°† చిన్నారి దానికి వందశాతం న్యాయం చేసింది. తెరపై à°† పాప తల్లిదండ్రులపై చూపే అపారమైన ప్రేమ, వాళ్లు కలతపడినప్పుడు, వాళ్లకు కష్టం వచ్చినప్పుడు చూపే తాపత్రయం.. తన ప్రతిభకు నిదర్శనం. రెజీనాను à°ˆ సినిమాకు ప్రధాన ఆకర్షణగా చూపినా  ఆమె కనిపించేది కొద్ది సేపే. అయితే à°† కొద్దిసేపూ తన పాత్రను పడించిందామె. ఇక హీరో పాత్రధారి మనకు  ఎప్పుడూ పరిచయంలేదు కానీ.. తను పాత్రకు తగ్గట్టుగా కనిపించాడు. 'టెన్త్‌క్లాస్‌' సినిమాలో నటించిన శరణ్య చాన్నాళ్ల  తర్వాత కనిపించింది.

సాంకేతిక బృందం: డబ్బింగ్‌లో తమిళ మాటలను యధాతథంగా అనువదించినట్టనిపిస్తుంది. కథానుగుణంగా పాటలకు పెద్దగా ప్రాముఖ్యత కూడా లేదు. వచ్చే పాటలు కూడా అందుకు తగ్గట్టుగానే ఉంటాయి. బ్యాక్‌గ్రౌండ్‌ స్కోర్‌ ట్రాజెడీ మూడ్‌ను ప్రతిబింబించింది. అనవసరమైన సోది లేకుండా సినిమాను  తక్కువ వ్యవధిలో ముగించేయడం కూడా à°’à°• విధంగా ప్లస్‌పాయింటే.

చివరగా... ట్రాజెడీ సినిమాను చూసి గుండెను భారంగా మార్చుకోవాలనిపిస్తే ధైర్యంగా ఆ సినిమాను చూసే నిర్ణయాన్నితీసుకోవచ్చు!