చిత్ లింగ

రేటింగ్‌ - 3/5

నటీనటులు-రజినీకాంత్‌, అనుష్క, సోనాక్షి సిన్హా, జగపతిబాబు, బ్రహ్మానందం, సంతానం, విశ్వనాథ్‌, విజయ్‌కుమార్‌, రాధారవి తదితరులు

కథ-పొన్‌ కుమరన్‌

సంగీతo- ఎ.ఆర్‌.రెహమాన్‌

నిర్మాత- రాక్‌లైన్‌ వెంకటేష్‌

స్క్రీన్‌ప్లే, దర్శకత్వా-కె.ఎస్‌.రవికుమార్‌

అసలే రజినీకాంత్‌ సినిమా.. ఆపై ఆయన తెరమీద 'రియల్‌'గా కనిపించి నాలుగేళ్లవుతోంది.. పైగా 'నరసింహా' తర్వాత కె.ఎస్‌.రవికుమార్‌ దర్శకత్వంలో నటిస్తున్న సినిమా.. 'లింగ' మీద అచనాలు భారీగా ఉండటానికి కారణాలు చాలానే ఉన్నాయి. మరి రజినీ పుట్టిన రోజే విడుదలైన ఈ సినిమా ఆ అంచనాల్ని అందుకుందా లేదా చూద్దాం పదండి.

కథ: లింగ (రజినీకాంత్‌) ఓ దొంగ. తన తాత లింగేశ్వర (రజినీకాంత్‌) ఆస్తి మొత్తం జనాల కోసం దారబోసి తనకు ఏమీ లేకుండా చేశాడని అతడికి కోపం. ఐతే తన తాత కట్టించిన గుడిని తన చేతుల మీదుగా తెరిపించాలని సింగనూరు అనే గ్రామానికి చెందిన ప్రజలు ఆశ పడటంతో లింగకు ఇష్టం లేకపోయినా అక్కడికి వెళ్లాల్సి వస్తుంది. అక్కడికి వెళ్లాక లింగకు తన తాత గొప్పదనమేంటో తెలుస్తుంది. ఇంతకీ లింగేశ్వర కథేంటి? ఆయన ప్రజలకు చేసిందేంటి? ఆయన వారసత్వాన్ని కొనసాగిస్తూ లింగ ప్రజల కోసం ఏం చేశాడు? అన్నది తెరమీదే చూడాలి.

కథనం, విశ్లేషణ: మిగతా హీరోలకైతే ముందు కథాకథనాల గురించి మాట్లాడాలి కానీ.. రజినీ సినిమా అంటే మాత్రం ముందు ఆయన గురించి మాట్లాడి తర్వాత.. మిగతా విషయాలు ఎత్తాలి. తన అభిమానులు ఎంత ఆకలితో ఉన్నారో తెలుసు కాబట్టి.. వాళ్లను మెస్మరైజ్‌ చేసే స్థాయిలో తెర మొత్తాన్ని ఆక్రమించేశాడు సూపర్‌ స్టార్‌. మేనరిజమ్స్‌, స్టయిల్‌, డైలాగులు.. ఎందులోనూ రజినీ తగ్గలేదు. తన ద్వారా మాగ్జిమం ఎంత ఎంటర్టైన్‌ చేయొచ్చో అంతా చేశారు రజినీ. ఆయన వరకు వినోదానికి ఢోకా లేదు.

కానీ కథాకథనాల విషయానికొస్తే మాత్రం 'లింగ' à°“ సాదాసీదా చిత్రమే. కంటెంట్‌లో కొత్తదనం లేకపోవడం.. నెమ్మదిగా సాగే కథనం.. మూడు à°—à°‚à°Ÿà°² నిడివి.. ఫ్లాష్‌బ్యాక్‌ మరీ రెండు à°—à°‚à°Ÿà°² పాటు సా....గిపోవడం సినిమాలో మైనస్‌లు. రాజవంశానికి చెందిన హీరో తండ్రి కోరిక మేరకు కలెక్టరవుతాడు. à°“ గ్రామాన్ని రక్షించేందుకు డ్యాం కట్టాలనుకుంటాడు. బ్రిటిష్‌ ప్రభుత్వం సహకరించకపోవడంతో తన ఆస్తంతా దారబోసి డ్యాం కడతాడు. గానీ గ్రామస్థులు అపార్థం చేసుకోవడంతో  ఊరివిడిచి వెళ్లిపోతాడు. ఇదీ స్థూలంగా ఫ్లాష్‌ బ్యాక్‌.

ఈ ఫ్లాష్‌ బ్యాక్‌ చెప్పడానికి ఏకంగా రెండు గంటలు తీసుకోవడం దర్శకుడు చేసిన పెద్ద తప్పు. రజినీ సినిమాల్ని జనాలు ఎక్కువ ఇష్టపడేది అందులోని వేగం చూసే. కానీ రవికుమార్‌ ఆ వేగం చూపించలేకపోయాడు. రజినీకాంత్‌ తెరమీద ఎంత ఎంటర్టైన్‌ చేయాలో అంతా చేస్తున్నప్పటికీ.. డ్యాం కట్టినంత నెమ్మదిగా ఫ్లాష్‌బ్యాక్‌ను కూడా నడిపించడం వల్ల కథనం భారంగా కదులుతుంది. రజినీ స్థాయికి తగ్గట్లు ఫ్లాష్‌బ్యాక్‌లో విలన్‌ లేకపోవడం కూడా మైనస్‌ అయింది. బ్రిటిష్‌ అధికారి చుట్టూ అల్లుకున్న రిపీటెడ్‌ సీన్స్‌ విసిగిస్తాయి.

ఐతే డ్యాంకు సంబంధించిన సన్నివేశాలు, ఆ భారీతనం.. ఫ్లాష్‌ బ్యాక్‌ను ముగించిన తీరు.. అందులో రజినీ అభినయం.. ఎమోషన్స్‌, సెంటిమెంట్‌ జనాల్ని ఆకట్టుకుంటాయి. రజినీని ఊరి జనాలు వెలి వేసే సన్నివేశం.. ఆ తర్వాత అతను పూరి గుడిసెలో వంట చేస్తూ, భోజనం వడ్డిస్తూ కనిపించే సీన్‌.. ఇందులో రజినీ పెర్ఫామెన్స్‌ ప్రేక్షకుల్లో కన్నీళ్లు తెప్పిస్తాయి.

సినిమా ఆరంభంలో యంగ్‌ రజినీ, ఆయనతో పాటు ఉండే సంతానం బాగానే వినోదం 'పంచ్‌'తారు. రజినీ ఇంట్రడక్షన్‌.. ఆ తర్వాత వచ్చే రాబరీ సీన్‌ కూడా ఎంటర్టైన్‌ చేస్తుంది. ఫ్లాష్‌బ్యాక్‌లో ట్రెయిన్‌ ఫైట్‌ రజినీ ఫ్యాన్స్‌ని బాగా అలరిస్తుంది. ఫ్లాష్‌బ్యాక్‌ను సాగదీసిన రవికుమార్‌.. క్లైమాక్స్‌ను మాత్రం సింపుల్‌గా ముగించాడు. అందులో రజినీ విన్యాసాలు అభిమానుల్ని అలరిస్తాయి. చివర్లో రవికుమార్‌ ఎంట్రీ ఇచ్చి.. తనదైన శైలిలో ఫన్నీగా సినిమాను ముగించాడు.

నటీనటులు- రజినీకాంత్‌ గురించి ముందే చెప్పుకున్నాం కదా.. ఆయన తనదైన స్టయిల్లో ఫ్యాన్స్‌ని మెస్మరైజ్‌ చేశారు. à°ˆ వయసులోనూ ఆయన తెరమీద చూపించిన ఉత్సాహం.. ఇంట్రడక్షన్‌ సాంగ్‌లో చేసిన డ్యాన్సులు.. మేనరిజమ్స్‌.. స్టయిల్‌.. యాక్షన్‌ సీన్స్‌లో చేసిన విన్యాసాలు (డూపే అయినా) అభిమానుల్ని కట్టిపడేస్తాయి. రజినీ ఫిలాసఫీకి తగ్గట్లు మంచి మాటలు కూడా కుదరడంతో ఫ్యాన్స్‌ వరకు ట్రీటే. ఫ్లాష్‌బ్యాక్‌ చివర్లో రజినీ పెర్ఫామెన్స్‌ ఎక్స్‌ట్రార్డినరీగా అనిపిస్తుంది. à°† సీన్‌లో నిజమైన సూపర్‌స్టార్‌ని చూస్తున్న ఫీలింగ్‌ కలుగుతుంది. మిగతా నటీనటుల్లో సోనాక్షి సిన్హా అందరికంటే ఎక్కువ ఆకట్టుకుంటుంది. à°ˆ బాలీవుడ్‌ భామ పల్లెటూరి అమ్మాయిగా చక్కటి అభినయం ప్రదర్శించింది. à°“ పాటలో అందంగానూ కనిపించింది. అనుష్క కూడా చలాకీగా నటించింది. నటనలో సోనాక్షి డామినేట్‌ చేస్తే.. గ్లామర్‌ విషయంలో అనుష్కదే పైచేయి. ఛాన్స్‌ దొరికినపుడల్లా అందాల విందు చేసింది అనుష్క. ఐతే చాలా లావెక్కిన అనుష్క రజినీ పక్కన సూటవలేదు.  సోనాక్షి కూడా రజినీ పక్కన కొంచెం ఇబ్బందికరంగానే కనిపించినా.. అనుష్కతో పోలిస్తే బెటర్‌. జగపతి బాబుది à°…à°‚à°¤ గొప్ప క్యారెక్టరేమీ కాదు. రజినీ స్థాయికి తగ్గ విలనిజం à°† పాత్రలో లేదు. ఫోకస్‌ అంతా ఫ్లాష్‌బ్యాక్‌ మీదే ఉండటం వల్ల జగపతికి పెద్దగా స్కోప్‌ కూడా దక్కలేదు. విశ్వనాథ్‌, విజయ్‌కుమార్‌, రాధారవి తమ పాత్రలకు తగ్గట్లు నటించారు. సంతానం తన పంచ్‌లతో బాగానే నవ్వించాడు. బ్రహ్మానందం à°“ ఐదు నిమిషాల పాత్ర చేశాడు కానీ.. అదేమీ గుర్తుంచుకోదగ్గది కాదు.

టెక్నికల్‌ టీమ్‌ నుంచి మిక్స్‌డ్‌ ఔట్‌పుట్‌ వచ్చింది. రత్నవేలు కెమెరా పనితనం సినిమాకు ప్రధాన ఆకర్షణ. సినిమాలో ఉన్న భారీతనాన్ని ఏమాత్రం తగ్గనివ్వలేదు రత్నవేలు కెమెరా. ఏరియల్‌ షాట్స్‌ను అద్భుతంగా చిత్రీకరించాడు. ఫ్లాష్‌ బ్యాక్‌లు డ్యాంకు సంబంధించిన సన్నివేశాలు కనువిందే. యాక్షన్‌ సీన్స్‌లో, పాటల్లోనూ రత్నవేలు పనితనం కనిపిస్తుంది. ఎ.ఆర్‌.రెహమాన్‌ సంగీతం మాత్రం నిరాశ పరిచేదే. త్వరగా ముగించాలన్న ఒత్తిడి వల్లో ఏంటో రెహమాన్‌ మొక్కుబడిగా ట్యూన్స్‌ ఇచ్చినట్లు కనిపిస్తుంది. నేపథ్య సంగీతం ఓకే. సినిమా నిడివి అలా ఉంచేయడంలో ఎడిటర్‌ను తప్పుబట్టాలో, దర్శకుడిని నిందించాలో తెలియదు మరి. నిర్మాణ విలువలకు ఢోకా లేదు. నాలుగైదు నెలల్లోనే సినిమా పూర్తి చేసినా.. రిచ్‌నెస్‌ ఏమాత్రం తగ్గలేదు. రాక్‌లైన్‌ వెంకటేష్‌ సినిమా కోసం భారీగా ఖర్చుపెట్టాడు. అదంతా తెరమీద కనిపిస్తుంది. ఇలాంటి సినిమాను తక్కువ సమయంలో, భారీతనం ఏమాత్రం తగ్గకుండా తీయడంలో కె.ఎస్‌.రవికుమార్‌ అనుభవం కనిపిస్తుంది. దర్శకుడిగా ఆయనకు ప్రశంసలు దక్కుతాయి కానీ.. స్క్రీన్‌ప్లే విషయంలో మాత్రం ఆయన చురుకుదనం ప్రదర్శించి ఉండాల్సింది.
చివరగా- రాతలో, తీతలో లోపాలున్నప్పటికీ.. రజినీ కోసం, సినిమాలోని ఇంకొన్ని హైలైట్స్‌ కోసం 'లింగ' చూడొచ్చు.