'ఆడవాళ్లు మీకు జోహార్లు' పరిస్థితి ఏంటబ్బా?

శర్వానంద్ హీరోగా 'ఆడవాళ్లు మీకు జోహార్లు' సినిమాను ఎనౌన్స్ చేసి చాలాకాలమే అయింది. కిశోర్ తిరుమల దర్శకత్వంలో ఈ సినిమా రూపొందనుంది. సుధాకర్ చెరుకూరి నిర్మాతగా క్రితం ఏడాది అక్టోబర్లో ఈ సినిమా 'తిరుపతి'లో పూజా కార్యక్రమాలను జరుపుకుంది. మొదట్లో ఈ సినిమాలో సాయిపల్లవి నటిస్తుందనీ .. ఆమె డేట్స్ సర్దుబాటు కాకపోవడం వలన నిత్యామీనన్ చేస్తుందనే వార్తలు వచ్చాయి. కానీ చివరికి రష్మికను ఎంపిక చేసుకున్నట్టుగా ప్రకటించారు .. పూజా కార్యక్రమాల్లో రష్మిక పాల్గొంది కూడా.ఈ నేపథ్యంలోనే అసలు 'ఆడవాళ్లు మీకు జోహార్లు' అనే సినిమా ఏమైపోయిందనే ఆలోచన అభిమానులకు కలుగుతోంది. ఇటు శర్వానంద్ గానీ .. అటు రష్మిక గాని ఈ ప్రాజెక్టు గురించి ఏమీ మాట్లాడటం లేదు. దర్శకుడు కిశోర్ తిరుమల సందడి కూడా ఎక్కడా కనిపించడం లేదు. ఈ ప్రాజెక్టు కంటే వెనక పట్టాలెక్కిన సినిమాలు చకచకా ముందుకు వెళుతున్నాయి. శర్వానంద్ జోడీగా రష్మికను చూడాలనుకున్న అభిమానులు మాత్రం, ఈ సినిమా అప్ డేట్స్ కోసం ఎదురుచూసి .. చూసి నిరాశపడిపోతున్నారు .. నీరసపడిపోతున్నారు.