మహేష్ సతీమణికి మెగా కోడలి స్పెషల్ బర్త్ డే విషెస్..!

సూపర్ స్టార్ మహేష్ బాబు సతీమణి నమ్రత శిరోద్కర్ పెళ్లి తర్వాత సినిమాలకు దూరమైనా భర్త బిజినెస్ వ్యవహారాలు చూసుకుంటూ అతనికి అండగా ఉంటూ వస్తోంది. 1993లో మిస్ ఇండియాగా ఎంపికైన నమ్రత.. మహేష్ బాబు - కృష్ణ కలిసి నటించిన ‘వంశీ’ సినిమాతో టాలీవుడ్‌ లో అడుగుపెట్టింది. ఆ సినిమా సమయంలో మహేష్ బాబుని ప్రేమించి 2005లో వివాహం చేసుకుంది. వీరికి గౌతమ్ కృష్ణ - సితార అనే ఇద్దరు పిల్లలు ఉన్నారు. నేడు నమ్రత 49వ పుట్టినరోజు సందర్భంగా సినీ ప్రముఖులు సోషల్ మీడియాలో ఆమెకు బర్త్ డే విషెస్ తెలియజేస్తున్నారు.

ఈ క్రమంలో పవర్ స్టార్ రామ్ చరణ్ సతీమణి ఉపాసన కొణిదెల సోషల్ మీడియా వేదికగా సూపర్ స్టార్ సతీమణి నమ్రత కు బర్త్ డే విషెస్ తెలియజేసారు. ఈ సందర్భంగా నమ్రతతో చరణ్ - ఉపాసన కలిసి దిగిన ఓ ఫోటోలని ఇంస్టాగ్రామ్ లో పోస్ట్ చేసింది. ఈ ఫోటోను మహేష్ అభిమానులతో పాటు మెగా అభిమానులు సోషల్ మీడియాలో వైరల్ చేస్తున్నారు. ఇదిలావుండగా నమ్రత ఈ బర్త్ డేను తన కుటుంబంతో కలిసి దుబాయ్‌ లో సెలబ్రేట్ చేసుకుంటున్నారు. ఈ సందర్భంగా మహేష్ తన భార్యకు సోషల్ మీడియా ద్వారా విషెస్ తెలిపాడు. 'నేను ప్రేమించిన వ్యక్తి ఈ రోజు జన్మించారు. నీతో ఉన్న ప్రతిరోజూ ప్రత్యేకమే.. కాకపోతే ఈ రోజు మరి కాస్త ఎక్కువ. హ్యాపీ బర్త్ డే లేడీ బాస్' అని మహేష్ పోస్ట్ చేశాడు.