పవన్ ఫ్యాన్స్ కాలర్ ఎగరేసుకునేలా ఉంటుంది.. స్టార్ రైటర్ స్టేట్మెంట్..!

ప్రముఖ డైలాగ్ రైటర్ సాయి మాధవ్ బుర్రా ప్రస్తుతం టాలీవుడ్ లోని పెద్ద సినిమాలన్నింటికి సంభాషణలు అందిస్తూ బిజీగా ఉన్నారు. 'క్రాక్' చిత్రానికి మాటలు అందించి బ్లాక్ బస్టర్ అందుకున్న సాయి మాధవ్.. ప్రస్తుతం రామ్ చరణ్ - ఎన్టీఆర్ హీరోలుగా రాజమౌళి దర్శకత్వంలో తెరకెక్కుతున్న 'ఆర్.ఆర్.ఆర్' చిత్రానికి డైలాగ్స్ రాస్తున్నారు. శంకర్ - రామ్ చరణ్ కాంబోలో రూపొందనున్న '#RC15' చిత్రానికి కూడా ఆయనే సంభాషణలు రాస్తున్నారు. అలానే పవన్ కళ్యాణ్ - క్రిష్ జాగర్లమూడి కలయికలో వస్తున్న 'హరి హర వీరమల్లు' సినిమాకి కూడా సాయి మాధవ్ మాటలు అందిస్తున్నారు.

ఇటీవల 'ఆర్ ఆర్ ఆర్' చిత్రంలో ఎన్టీఆర్ - చరణ్ స‌న్నివేశాలు, వారి డైలాగ్స్ అదిరిపోతాయని.. గూస్ బంప్స్ గ్యారంటీ అని సాయి మాధవ్ బుర్రా స్టేట్మెంట్ ఇచ్చి అంచనాలు పెంచేశారు. ఆ త‌రువాత 'శంక‌ర్ - చ‌ర‌ణ్' సినిమా కోసం అద్భుత‌మైన స‌న్నివేశాల‌కి అత్యద్భుమైన డైలాగ్స్ రాస్తున్నా అంటూ మ‌రో స్టేట్మెంట్ ఇచ్చారు. ఇప్పుడు తాజాగా 'హ‌రి హ‌ర వీరమ‌ల్లు' సినిమా విష‌యంలో కూడా స్టార్ రైట‌ర్ ఇలానే స్టేట్మెంట్ ఇచ్చేశారు. ప‌వ‌న్ కళ్యాణ్ ఫ్యాన్స్ కాల‌ర్ ఎగరేసే విధంగా ఈ సినిమాలో డైలాగ్స్ ఉన్నాయ‌ని చెబుతున్నాడు. వీరమల్లు సినిమా అత్యద్భుతంగా ఉంటుందని.. మరో లెవెల్ లో ఉంటుందని సాయిమాధవ్ బుర్రా అంటున్నారు.

ఇలా సాయిమాధవ్ వర్క్ చేస్తున్న ప్రతీ పెద్ద సినిమాకి స్టేట్మెంట్స్ ఇస్తూ అంచనాలు పెంచేస్తున్నారు. ఇకపోతే రామ్ పోతినేని - లింగు స్వామి కాంబోలో రూపొందుతున్న '#RAPO19' కూడా బుర్రా నే మాటలు రాస్తున్నారు. అలానే బాల‌కృష్ణ - గోపీచంద్ మ‌లినేని కలయికలో వచ్చే '#NBK107'.. ప్రభాస్ - నాగ్ అశ్విన్ పాన్ వరల్డ్ ప్రాజెక్ట్ కూడా సాయి మాధవ్ చేతిలోనే ఉన్నాయి.