Begin typing your search above and press return to search.

మంచు ప‌ర్వ‌తాల్లో సామ్ సాహ‌స‌క్రీడ‌

By:  Tupaki Desk   |   27 Jan 2022 3:40 PM GMT
మంచు ప‌ర్వ‌తాల్లో సామ్ సాహ‌స‌క్రీడ‌
X
అందాల క‌థానాయిక స‌మంత న‌టిగానే కాదు గ‌ట్స్ ప్ర‌ద‌ర్శించ‌డంలోనూ త‌న ప్ర‌త్యేక‌త‌ను చాటుకుంటూనే ఉంది. ప్రస్తుతం సామ్ మంచు ప‌ర్వ‌తాల్లో సాహ‌సాలు చేస్తోంది. ఆమె గత 10 రోజులుగా రోజుకు దాదాపు 5-6 గంటల పాటు ప్రాక్టీస్ చేసిన తన తాజా స్కీయింగ్ నైపుణ్యాన్ని బయ‌ట‌పెట్టింది. తాను ఇప్పుడు నాన్ స్టాప్ గా ఎక్కువ దూరం స్కీయింగ్ చేయ‌గ‌ల‌దు. ఆస్వాధించ‌గ‌ల‌దు.

``నేను బన్నీ వాలుపై పసిపిల్లలతో నా స్కీయింగ్ ప్రయాణాన్ని ప్రారంభించాను. చాలా వినయంగా చెబుతున్నా.. 100 సార్లు పడిపోయాను. ప్రతిసారీ లేచాను. స్విస్ ఆల్ప్స్ లోని స్కీ ట్రాక్ పై శిక్షణ పొందుతున్నప్పుడు కింద‌ప‌డిన‌ వీడియోలలో కొన్నింటిని కూడా పంచుకున్నప్పుడు.. నిష్క్రమించాలనే ఆలోచన చాలాసార్లు నా మనసులో ఉంది. అయితే అబ్బాయిలూ నేను చాలా సంతోషంగా ఉన్నాను``అని సమంత చెప్పింది. బన్నీ స్లోప్ ల నుండి గ్రాడ్యుయేషన్ ను పూర్తి చేయడానికి పట్టిన సమయం కృషిలో నేను నిజంగా ప్రత్యేకమైనదాన్ని కనుగొనేదానిని అని కూడా అంది సామ్. స్విట్జర్లాండ్ లోని వెర్బియర్ స్కీ రిసార్ట్ లో శిక్షణనందిస్తున్న తన శిక్షకురాలు కేట్ మెక్ బ్రైడ్ కు ఆమె ధన్యవాదాలు తెలిపారు.

సామ్ స్పీడ్‌ చూస్తుంటే స్కీయింగ్ పోటీలో పాల్గొనడానికి సిద్ధమవుతోంద‌నే భావించాల్సి వ‌స్తోంది. ఇక జీవితంలో ఎన్ని ఒడిదుడుకులు ఉన్నా అన్నిటినీ మ‌ర్చిపోయి ఒత్తిడిని అధిగ‌మించాలంటే స్పోర్ట్స్ ఆడ‌టం ఒక్క‌టే స‌రైన మార్గం.