F3: వెంకీ.. వరుణ్ తో మరో మాస్ స్టార్

Wed Jan 22 2020 12:18:22 GMT+0530 (IST)

Ravi Teja in Anil Ravipudi F3 Multistarrer Sequel

పోయినేడాది సంక్రాంతి కి విడుదలై సంక్రాంతి మొగుడుగా.. సంక్రాంతి విన్నర్ గా నిలిచిన చిత్రం 'F2'. అనిల్ రావిపూడి దర్శకత్వంలో వెంకటేష్.. వరుణ్ తేజ్ హీరోలుగా తెరకెక్కిన 'F2' ప్రేక్షకులకు కితకితలు పెట్టింది. ఆ సినిమాకు సీక్వెల్ చేసే ఆలోచనలో ఉన్నామని.. దిల్ రాజు నిర్మిస్తారని 'F2' ప్రమోషన్స్ సమయంలోనే వెల్లడించారు. ఇప్పుడు ఆ సీక్వెల్ కు సన్నాహాలు జరుగుతున్నాయని సమాచారం.



దర్శకుడు అనిల్ రావిపూడి 'F2' తర్వాత సూపర్ స్టార్ మహేష్ బాబు తో 'సరిలేరు నీకెవ్వరు' తెరకెక్కించారు. ఈ సంక్రాంతికి విడుదలైన సరిలేరు భారీ కలెక్షన్స్ వసూలు చేసి మాస్ సినిమాలు తెరకెక్కించడంలో అనిల్ రావిపూడి పట్టు ఎలాంటిదో మరోసారి ప్రూవ్ చేసింది. ఈ సినిమా తర్వాత అనిల్ 'F3' స్క్రిప్ట్ వర్క్ లో బిజీగా ఉన్నారని సమాచారం. ఈ సినిమాలో నటించేందుకు వెంకీ.. వరుణ్ లు ఆసక్తిగా ఉన్నారని.. ఈ ఇద్దరి తో పాటు మాస్ మహారాజా రవితేజను కూడా ఈ సినిమాలో నటించేందుకు రెడీగా ఉన్నారని అంటున్నారు

సినిమా ఎలా ఉంటుందో ఏమో కానీ వెంకీ-వరుణ్-రవితేజ కాంబినేషన్ మాత్రం క్రేజీగా ఉంది. ముగ్గురు కలిస్తే వచ్చే ఆ ఫన్ ఫ్రస్ట్రేషన్ నెక్స్ట్ లెవెల్ లో ఉంటాయని చెప్పడం లో ఏమీ సందేహం లేదు. త్వరలోనే ఈ సినిమా కు సంబంధించిన వివరాలు వెల్లడవుతాయి.