Begin typing your search above and press return to search.

వైరల్: షాక్ ఇస్తున్న డిస్కో రాజా యంగ్ లుక్!

By:  Tupaki Desk   |   24 Aug 2019 6:59 AM GMT
వైరల్: షాక్ ఇస్తున్న డిస్కో రాజా యంగ్ లుక్!
X
మాస్ మహారాజా రవితేజ ప్రస్తుతం 'డిస్కో రాజా' అనే చిత్రంలో నటిస్తున్న సంగతి తెలిసిందే. వీఐ ఆనంద్ దర్శకత్వంలో తెరకెక్కుతున్న ఈ చిత్రం షూటింగ్ శరావేగంగా జరుగుతోంది. ఈ సినిమాలో కథ ప్రకారం రవితేజ రెండు రకాల షేడ్స్ ఉండే పాత్ర పోషిస్తున్నాడని.. అందులో ఒకటి యువకుడి పాత్ర అని ఇప్పటికే టాక్ వినిపిస్తోంది. రీసెంట్ గా బయటకు వచ్చిన ఒక ఫోటోను చూస్తే అది నిజమేననిపించేలా ఉంది.

ఈ ఫోటోలో రవి తేజ మరో వ్యక్తితో కలిసి సెల్ఫీ తీసుకుంటున్నాడు. మీసాలు.. గడ్డం లేకుండా స్లిమ్ గా గా ఉన్న రవితేజను చూస్తే ఓ పాతికేళ్ళ వ్యక్తిలాగా కనిపిస్తున్నాడు. ఈ ఫోటో సోషల్ మీడియాలోకి రాగానే వైరల్ గా మారింది. ఇది 'డిస్కో రాజా' సినిమా షూట్ లొకేషన్ నుంచి లీక్ అయిన ఫోటో అనే టాక్ వినిపిస్తోంది. ఇదే కనుక 'డిస్కో రాజా' లుక్ అయితే మాత్రం ప్రేక్షకులు థ్రిల్ కావడం ఖాయం.

రవితేజ ఈమధ్య నటించిన సినిమాలు బాక్స్ ఆఫీస్ దగ్గర చతికిలపడుతున్నాయి. అయితే 'డిస్కో రాజా' కు టాలెంటెడ్ ఫిలిం మేకర్ వీఐ ఆనంద్ దర్శకుడు కావడంతో ఈ సినిమా కంటెంట్ స్ట్రాంగ్ గా ఉంటుందనే అంచనాలు ఉన్నాయి. అందుకే రవితేజ అభిమానులు 'డిస్కో రాజా' విజయం సాధిస్తుందనే నమ్మకంగా ఉన్నారు.